2 Mizimbu 13:5 - Livulu lya Shukulu Kalunga

⁵ Kuma kumwazivukile ngeci Shukulu Kalunga, Njambi ya Isalele walikumiiye cikumiiyo cakukola na Ndaviti, akumwana ikeye na vatekulwila vendi kushwana Isalele ku myaka yoshe?

2 Mizimbu 13:5 Iomraidhean Croise

2 Samwele 10:13

Ngecivene, Yowave na vanu vendi vaile nakulwa, co vaSilya vatewele.

1 Vimyene 8:20

“Co ololo Shukulu Kalunga nanyungu cikulaeso cendi. Njashwana tate Ndaviti kupwa mwene wa mu Isalele, co njinatungu Njuvo ya Shukulu Kalunga mwakumulemesela Shukulu Kalunga Njambi ya Isalele.

1 Mizimbu 17:11

Omo ukatsa nakukutsinda na vakukulwila vove, co njikapwisa umo wa ali vana vove mwene, njikakolesa vumwene vwendi.

1 Mizimbu 17:14

Njikamwaka kupwa umo wakushika vanu vange, na vumwene vwange ku myaka yoshe. Co vumwene vwendi vukakala simbu yoshe.’ ”

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

Nehemiya 5:9

Asinoni njendekele ngwange, “Evi mulinakulinga kuvyavwaele! Munapande kwononoka Njambi nakulinga vya vushunga. Co kesi mwane vitozi vetu, ava kesi vaYunda, ngila yakutuyeluwisa.

Visimo 1:29

Omwo yeni mwazinda mana, co kumwakomokele Shukulu Kalunga.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Ezekiyele 43:24

vanene kuli yange. Vaka-kukombelela vakavakwita mwongwa, co vakavenyeka kupwa mulambu kuli yange.

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

VaLevi 2:13

Co a mulambu woshe wa vimbuto vya vinona munapande kutovao mwongwa, omwo mwongwa wimanena cikumiiyo akati keni na Njambi. (Munapande kutova mwongwa a milambu yeni yoshe.)

Kulava 18:19

“Vin̄ombelo vyakukundika vyoshe vije vanu va Isalele vakakombelela kuli yange Kalunga njinavyana kuli yove na kuli vana vove va vanalume, na ava va vanakazi, kupwa mulambu weni ku myaka yoshe. Eci cikeco cikumiiyo ca mwongwa ca kuhwa ku mesho ange Kalunga, kuli yove na ku vatekulwila vove voshe.”

2 Petulu 3:5

Vakevo vanayengula na cizango ngeci Njambi ku san̄ulu waanene lishiko, co lilu na kaye vavitangele. Kaye katundile mu mema, co vakanyungilile mu mema, kaye ka ku san̄ulu.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 16:12

Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”