2 Mizimbu 13:15 - Livulu lya Shukulu Kalunga

¹⁵ Co vaYunda vakangokele nakutambeka, co Aviya wavatwamenenene kuya nakulwa. Ngecivene, Njambi wahyanene Yelovowame na mbunga ya mashwalale va vaIsalele.

2 Mizimbu 13:15 Iomraidhean Croise

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 14:12

Ngecivene, Shukulu Kalunga wahyanene mashwalale va vaSundane omo vavalwisile kuli Asa na mashwalale va vaYunda. Co vaSundane vatewele,

2 Mizimbu 18:31

Ngecivene, omo vakevo vamwene Mwene Njosefati, co voshe vayongwele ngwavo ikeye mwene wa mu Isalele, co vakevo vatengulukile nakumulwisa. Oloni omo Njosefati watambekele, co Shukulu Kalunga Njambi wamwamenene, watengulwile nzita waikengesele kweka.

2 Mizimbu 20:21

Omo mwene wakele nakwendeka na vanu, washikile vaka-kwimba vazale vikoveyo vyakujela, co vatwame kulutwe lwa nzita, nakwimba ngwavo, “Shangazaleni Shukulu Kalunga! Omwo cizemo cendi cakala ku myaka yoshe!”

2 Mizimbu 20:22

Omo vashangumukile kwimba, co Shukulu Kalunga wauya-wuyisile mashwalale vaje vezile nakuvalwisa.

Myaso 47:1

Kandeni mavoko eni yeni vanu voshe! Shangazaleni Njambi na tun̄alavela!

Myaso 47:5

Njambi aya ku litanda lyendi lya vumwene! Kuli mitambi yakujolela nakwimba malupembo, omo Shukulu Kalunga alamata kwilu!

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Kulava 32:4

vili mu lifuti lije lyanakwasa Shukulu Kalunga vaIsalele ngeci vakalemo. Linapu lifuti lyalivwa kulilamo vimuna, co vangamba vove vakala na vimuna vavangi.

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

Yoshwa 6:16

Co omo vazengulukile nganda simbu yamucitanu na vivali, vaka-kukombelela vembile malupembo, co Yoshwa washikile vanu ngwendi, “Tambekeni, omwo Shukulu Kalunga namyana nganda!

Yoshwa 6:20

Ngecivene, vaka-kukombelela vembile malupembo, co vanu vatambekelele. Vwasi-vwasi omo vanu vazivile kwoya kwa malupembo, co vatambekelele manene, ngeci civumbe calundumukile. Co lishwalale na lishwalale woshe wakovelele mu nganda aje ashungamene nakuyifungulula.

Maako 4:15

Omo Mbalake washolokele na nzita yendi mukulwa, co Shukulu Kalunga wauya-wuyisile Sisela na matemba endi oshe na mashwalale. Sisela washulukile mu litemba lyendi, co watewele.