2 Mizimbu 13:11 - Livulu lya Shukulu Kalunga

¹¹ A mutondo a mutondo na a cingwezi na cingwezi vakamukombelelela insense na vimuna vakwenyeka voshe vamutunu. Co vakana vin̄ombelo vya makende vakawaaka a mesa yakujela, co ku cingwezi na cingwezi vakashwameka vindeya a vitumbikilo vya vindeya vya ngolinde. Co tukalingi vije vyanatushiki Shukulu Kalunga, oloni yeni munamuseza.

2 Mizimbu 13:11 Iomraidhean Croise

Kushangumuka 26:5

Njikakuvezikisa omwo Avilahama wanjononokele, co wanyungile mashiko ange oshe na vizilika vyange vije vinjamushikile.”

2 Mizimbu 13:10

“Oloni yetu anga tucili nakupangela Shukulu Kalunga Njambi yetu, kutwamusezele. Vaka-kukombelela va ku naanga ya Alone vakapanga vipangi vyavo, co vaLevi vakavakwasako.

2 Mizimbu 2:3

Co Solomoni watumine lijwi kuli Mwene Hilame wa ku Tile ngwendi, “Njikwase ngwe muwakwasele tate, Mwene Ndaviti, omo wamulandesele viti vya kendale vyakutungisa lipela lyendi.

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

2 Mizimbu 4:20

na citumbikilo ca vindeya na vindeya vyavivwa vya ngolinde vije vyakele nakushukuma kulutwe lwa Mwela Wakujela Manene ngwe muvayongwelelemo,

Kutuuka 29:38

“A litangwa na litangwa simbu yoshe ya kulutwe, ukakombelela a mutula vana va vimanga vavali va mwaka umolika.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 44:8

Vakevo kuvendesele mwamuvwa vilika vyakujela mu Njuvo yange, oloni munaka vaka-kwija kupwa vaka-kushika.

Ezekiyele 48:11

Ou mutambela wakujela upwe wa vaka-kukombelela vatekulwila va Zandoke. Vanjipangelele na kulongwa, co kuvalipandakanene na vakwavo vaIsalele mukulinga vuvi, ngwe muvalingile vanu va ku muyati wa Levi.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Kulava 16:6

Imene mutondo yove na mbunga yove yoshe mukambata vikango,

Kulava 9:19

Omo lishelwa lyakele matangwa amangi akamwa ya Mbalaka, co vanu va Isalele vononokele lishiko lya Shukulu Kalunga, co kuvasele kujalukamo.

Luka 1:9

Ngwe ku cilika civakavele vaka-kukombelela, vamwangwile akuta n̄ela mukwenyeka insense a mutula. Ngecivene, wakovelele mu Njuvo ya Shukulu Kalunga,