2 Mizimbu 12:12 - Livulu lya Shukulu Kalunga

¹² Omwo mwene walikeesele, co Shukulu Kalunga watundisile vukalu vwendi, kamunyongesele, co mu Yunda vyuma vyoshe vyakele mwamuvwa.

2 Mizimbu 12:12 Iomraidhean Croise

Kushangumuka 18:24

Nga muje mu nganda muli vanu makumi atanu vaka-vushunga, co ukanyongesa nganda yoshe yamutunu ndi? Kuma kuukavecela ngeci vaje vanu makumi atanu vovoke ndi?

1 Vimyene 14:13

Vanu voshe va Isalele vakamulila nakumutsinda. Ikeye lika mwana wa ku naanga ya Yelovowame ivakatsinda mwamuvwa, omwo ikeye lika uje Shukulu Kalunga, Njambi ya Isalele, yanavwaelela nendi.

2 Mizimbu 12:11

Simbu yoshe omo mwene wakovelele mu Njuvo ya Shukulu Kalunga, co vaka-kunyunga vakovelele amo nendi oku vanambata vintelo, co omo mwene watundilemo vaviilwisile lalo mu mulili wakuvitulikila.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Mbimbi 3:22

Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Mbimbi 3:33

Nalumo lwai avwaelela mukutuyandesa nambe kutuzivisa kuvavala.

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

1 Petulu 5:6

Likeeseni yeni vavenya mwisi ya livoko lya nzili lya Njambi, ngeci amijundule a simbu yendi yaivwa.