2 Mizimbu 11:16 - Livulu lya Shukulu Kalunga

¹⁶ Co miyati yoshe ya vanu va Isalele, vaje vashakele kulemesa mwamuvwa Shukulu Kalunga Njambi ya Isalele, vakavele vaLevi ku Yelusalema, ngeci vakakombelele vin̄ombelo kuli Shukulu Kalunga Njambi ya vakukulwila vavo.

2 Mizimbu 11:16 Iomraidhean Croise

1 Mizimbu 16:29

Shangazaleni lizina lyendi lya vumpau, neneni milambu, co ijeni mu Njuvo yendi. Yeni vaka-kaye voshe, tsikameni nakulemesa Shukulu Kalunga,

1 Mizimbu 22:1

Ngecivene, Ndaviti wendekele ngwendi, “Kuno kukekwo vakatungila Njuvo ya Shukulu Kalunga Njambi. Oku kukekwo ku mutula kuje vanu va Isalele vakakombelela vin̄ombelo vya kwenyeka.”

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

2 Mizimbu 11:17

Eci cakolesele vumwene vwa Yunda, co a myaka itatu vakwasele Lehovowame muna Solomoni, co vayoyele ngwe muje muvakele mu vushwana vwa Mwene Ndaviti na Mwene Solomoni.

2 Mizimbu 15:12

Co valikumiiye cikumiiyo cakulemesa Shukulu Kalunga, Njambi ya vakukulwila vavo, na mbunge yavo yoshe na mwonyo wavo woshe.

2 Mizimbu 15:15

Vanu voshe va mu Yunda vajolelele omwo valikumiiye cikumiiyo eci na vimbunge vyavo vyoshe. Vavwaelelele akulemesa Shukulu Kalunga, co Shukulu Kalunga wavatambwile, co vakele mu kwoloka ku mitambela yoshe.

2 Mizimbu 15:9

Vanu vavangi va mu vumwene vwendi, vakutunda ku Efalime na Manase na Simyoni vakele nakwija kuli Asa omwo vamwene ngeci Shukulu Kalunga wakele amo nendi. Co Asa wavakungulwile voshe amolika na vanu va ku Yunda na ava va ku Mbenjemani.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

2 Mizimbu 20:4

Vanu va mu Yunda valikungulwile amo vatundile mu vinganda vyoshe vya mu Yelusalema vehwile Shukulu Kalunga ngeci avatwamenene,

2 Mizimbu 30:11

Nameme ngoco kwakele vamo va ku miyati ya Ashele na Manase na Zembuloni vakevo vakele na cizango cakwija ku Yelusalema.

Yombi 34:14

Nga Njambi natundisile muku wa mwonyo,

Myaso 108:1

Mbunge yange inakolesa mbe yove Njambi, njikaimba nakukushangazala! Njikenduka a mungulungengu,

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Kutuuka 9:21

Oloni vaje kuvombileko mbunge kukunangula kwa Shukulu Kalunga, vasezele vindungo vavo na vimuna vavo mushandangala yangoco.

Ndanyele 6:14

Omo Mwene wazivile majwi awa, co wakele na citanga cakama, wayongwele kuwana ngila imo yakwamena Ndanyele. Wesekele manene noo litangwa lyatokele.

Hoziya 4:8

Muli na vufuko vwakutunda a vuvi vwa vanu vange, co mushaka lalo ngeci vacitwaleo kulinga vuvi manene.

Hangai 1:5

Kumwesi nakumona vije vilinakulingiwa ali yeni?

Zakaliya 8:21

Co vaje vakatunda ku nganda imo vakendeka kuli vaje vakatundu ku nganda ikwavo ngwavo, ‘Yetu tulinakuya nakulemesa Shukulu Kalunga Muka-nzili yoshe nakulombela vivezikiso vyendi. Ijeni tuye amolika netu!’

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 32:46

co wendekele kuli vakevo ngwendi, “Mwa vushunga ononokeni mashiko oshe awa njinamilekawo ku litangwa lya lelo. Alongeseni vana veni, ngeci vakononoke na kulongwa vilongesa vyoshe vya Njambi.

Yoshwa 22:19

Nga lifuti lyeni kulyajelele kulemeselamo, co javukileni mu lifuti lya Shukulu Kalunga, muje muli Mbalaka yendi. Co lombeni mutambela umo akati ketu. Oloni kesi mutengulukile Shukulu Kalunga nambe kututengulukila yetu akulitungila mutula kukumbasana ku mutula wa Shukulu Kalunga Njambi yetu.