2 Mizimbu 10:16 - Livulu lya Shukulu Kalunga

¹⁶ Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Yetu kutwesi na vushwana mu naanga ya Njesi. Yetu vanu va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

2 Mizimbu 10:16 Iomraidhean Croise

2 Samwele 15:13

Co umo muluwa wanenele vukaleo kuli Ndaviti ngwendi, “VaIsalele vanatengulukila kuli Avisalome.”

2 Samwele 16:11

Ngecivene, Ndaviti wendekele kuli Avishai na kuli vamyata vendi voshe ngwendi, “Munange vene ikeye alinakushaka kunjitsiya, ngecivene, omwo vikajo mulinakukomoka ou kaMbenjemani? Shukulu Kalunga ikeye namuleke kunjisinga, ngecivene, mweceleni acilinge.

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Mizimbu 17:14

Njikamwaka kupwa umo wakushika vanu vange, na vumwene vwange ku myaka yoshe. Co vumwene vwendi vukakala simbu yoshe.’ ”

2 Mizimbu 10:17

co vasezele Lehovowame kupwa lika mwene wa vanu vaje vakele mu lifuti lya Yunda.

2 Mizimbu 10:19

Kutunda a simbu ije vene vanu va ku kunto ya Isalele vatengulukilile vumwene vwa Ndaviti.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Luka 19:14

Oloni vanu va mu lifuti lyendi vamuzindile manene, co vatumine miluwa munima yendi ngwavo, ‘Ou munalume kutumushaka apwe mwene yetu embwe.’

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 6:66

Omwo a cuma eci, vandongisi va Yesu vavangi velukile munima kuvashakele kuya lalo nendi.

Yowano 7:53

(Asinoni munu na munu waile kwimbo lyavo.)

Vilinga vya Miluwa 2:30

Wapwile muka-kwimanena, co wazivukile vije vyamukulaesele Njambi, Njambi nalisingi ngwendi akapwisa umo wa vatekulwila va Ndaviti mwene, ngwe mwapwile Ndaviti.

1 Kolinte 15:25

Omwo Kilistu napande kushika noo Njambi nafungulula vitozi vendi voshe nakuvaka mwisi ya myanja yendi.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Maako 8:35

Co vaIsalele kuvakandelelele ku naanga ya Ngilyone ku vyuma vyoshe vyavivwa vije vyalingile kuli Isalele.

1 Samwele 20:27

Co alikaki, omo litangwa lya Ciwano ca Kutenama kwa Ngonde cineti, mu mwela wa Ndaviti lalo mwakele mwangoco, co Saulu wehwile Yonatana ngwendi, “Omwo vika Ndaviti kezile kukulya izau na lelo?”

1 Samwele 22:13

Saulu wamwihwile ngwendi, “Omo vikajo yove na Ndaviti muli na vutumbe vwakunjilwisa? Vika wamwanenene vyakulya, na mukwale, nakumwihwila kuli Njambi? Ololo nanjitengulukila nakunjilwisa, navandamena simbu yakunjitsiya!”

1 Samwele 22:7

co ikeye wendekele kuli vamyata vendi ngwendi, “Tolilileni, eni vanalume vaMbenjemani! Kuma yeni muyongola ngeci muvavoshe Ndaviti akasa kumyana mahya, na vitungu vya mikolovozi ya vushuka vwa vinyu nakumipwisa vamyata mu nzita yendi ndi?

1 Samwele 22:9

Ndoenge wemanene kuje amo na vamyata va Saulu, wendekele ngwendi, “Njamwene Ndaviti omo waile kuli Ahimeleki muna Ahitumbe mu Nombe.