2 Mizimbu 10:15 - Livulu lya Shukulu Kalunga

¹⁵ Eci capwile cizango ca Shukulu Kalunga Njambi ngeci ashulise vije wendekele kuli Yelovowame muna Nembate muli Ahiya muka-kwimanena wa ku Shilo. Eci cikeco calingisile mwene ngeci kesi atolilile kuli vanu.

2 Mizimbu 10:15 Iomraidhean Croise

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

1 Vimyene 12:15

Eci capwile cizango ca Shukulu Kalunga ngeci ashulise vije wendekele kuli Yelovowame muna Nembate muli Ahiya muka-kwimanena wa ku Shilo. Eci cikeco calingisile mwene ngeci kesi atolilile kuli vanu.

1 Vimyene 12:24

“Kesi mulwise vandolome veni, vanu va Isalele, ilukeni kwimbo yeni voshe. Eci cinalingiwa cinapu cizango cange.” Voshe vononokele kushika kwa Shukulu Kalunga, co velukile ku membo avo.

1 Vimyene 22:20

Shukulu Kalunga wehwile ngwendi, ‘Iyajo akakwisa Ahave ngeci akaye ku Lamote vakamutsiileko?’ Tungelo vamo vendekele mweka, co vakwavo lalo vendekele mweka,

2 Mizimbu 10:14

ngwe muje muvamunangwile vaje vakwenje. Wendekele ngwendi, “Tate wamitwikile vitele vyakulema, yange njikamilemuwisa manene. Tate wamipupisile civanzi, oloni yange njikamipupisa civanzi ca mambimbo!”

2 Mizimbu 11:4

“Kesi mulwise vandolome veni, vanu va Isalele. Ilukeni kwimbo yeni voshe. Eci cinalingiwa cinapu cizango cange.” Voshe vononokele kushika kwa Shukulu Kalunga, co kuvaile nakulwisa Yelovowame.

2 Mizimbu 22:7

Kuhwa kwa vumwene vwa Ahaziya kwapwile kwakutunda kuli Njambi omwo waile nakukamona Njolame. Omo Ahaziya wakele kuje, waile na Njolame nakuliwana na Yehu muna Nimeshi, uje yavwavesele Shukulu Kalunga ngeci anyongese naanga ya Ahave.

2 Mizimbu 9:29

Vilinga vya Solomoni kutunda kukushangumuka kweta nakukukotoka vavisoneka mu Livulu lya Mizimbu lya Natane Muka-kwimanena, na mu livulu lya Vuka-kwimanena vwa Ahiya wa ku Shilo, na mu livulu lya Vimona vya Indo Muka-kwimanena, vije vinendeka lalo akushwana kwa Mwene Yelovowame wa mu Isalele.

Isaya 19:14

Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Yowano 19:24

Mashwalale valyendekesele umo na mukwavo ngwavo, “Kesi tucitavule, oloni tuteni n̄ela tumone iya acambata.” Eci cilingiwe ngeci visoneka vipwe vya vushunga omo vyendekele ngwavyo, “Vanalipangezela vuzalo vwange akati kavo, co vatele n̄ela a cikoveyo cange cacilaja.” Co omu mukemwo muvalingile mashwalale.

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 4:28

Valikungulwile nakulinga vyoshe vije viwashakele laja na nzili yove na cizango cove ngeci vikalingiwe.

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Maako 14:4

Visemi vendi kuvazivukile ngeci eci capwile cizango ca Shukulu Kalunga, ikeye watwamenenene Samusoni kulinga ngeci, omwo Shukulu Kalunga washakezekele ngila yakulwa na vaFilisitiya. A simbu ije vaFilisitiya vakele na moko mu Isalele.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.