2 Mizimbu 1:8 - Livulu lya Shukulu Kalunga

⁸ Co Solomoni wamukumbulwile ngwendi, “Simbu yoshe wamwesele tate Ndaviti cizemo cakama, co ololo unanjishwanesa mu mwela wendi kupwa mwene.

2 Mizimbu 1:8 Iomraidhean Croise

2 Samwele 22:51

Njambi akana kuhyana kwakama, kuli mwene uje yalyangwilile, ikeye amwesa cizemo cije kucesi kutenguluka kuli uje yanaangula, kuli Ndaviti na vatekulwila vendi ku myaka yoshe.

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

1 Mizimbu 17:16

Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga Njambi, na naanga yange ikeyo ikajo, ngeci unjilingile vyoshe evi?

1 Mizimbu 28:5

Co ikeye wanjanene vana vavangi manene, co vakevo ava voshe waangwileo Solomoni kushwana Isalele, vumwene vwa Shukulu Kalunga.

1 Mizimbu 29:23

Ngecivene, Solomoni washwanene a litanda lya ishe Ndaviti, lije lyamuvwaeselele Shukulu Kalunga. Co ikeye wapwile mwene wakuvezika, muyati woshe wa Isalele vamwononokele.

1 Mizimbu 29:28

Ikeye wakuluvalele manene omo watsile, co wakele na vufuko na kasingimiko, munendi Solomoni wamushwanene kupwa mwene.

Myaso 86:13

Omo vukama vwa cizemo cove kuli yange cije kucesi kutenguluka, unanjamena ku kutsa na ku mbumbo.

Myaso 89:49

Shukulu Kalunga cilikulijo cizemo cove cije kucesi kutenguluka? Cilikulijo cikulaeso cije walisingile na Ndaviti?

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.