2 Mizimbu 1:2 - Livulu lya Shukulu Kalunga

² Mwene Solomoni waanene lishiko kuli vamyata voshe vakele na moko ya a vanu vakupwa 1,000 na kuli vaje lalo vakele na moko ya a vanu vakupwa 100 na vamyata voshe vaka-kushwana na vakulunu voshe va mu naanga na vanu voshe va Isalele.

2 Mizimbu 1:2 Iomraidhean Croise

1 Vimyene 3:4

A simbu imo mwene waile ku Ngimbiyone mukukombelela vin̄ombelo omwo kukekwo kwakele mutula wakutsimana manene. A simbu ya kunima wakombeleleleko vin̄ombelo vya kwenyeka.

1 Mizimbu 13:1

Mwene Ndaviti walizivasanene na vakulunu voshe vaka-kushika vanu 1,000 na vaka-kushika vanu 100.

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

1 Mizimbu 15:3

Ngecivene, Ndaviti wakungulwile vanu va Isalele voshe ku Yelusalema ngeci vanene Cikasa ca Cikumiiyo nakucaka ku mwela uje wacivwaeselele.

1 Mizimbu 24:31

Navo lalo vakulunu va mu naanga, vatele n̄ela ngwe muvalingile vandolome vavo vaka-kukombelela vakutunda kuli Alone. Mwene Ndaviti, na Zandoke, na Ahimeleke, na vakulunu va mu naanga ya vaka-kukombelela, na vaLevi vapwile vakaleo.

1 Mizimbu 24:4

Vatekulwila va Elyazale vavaangunwine mu vimbunga likumi na itanu na imo, co vatekulwila va Itamale vavaangunwine mu vimbunga vitanu na vitatu, eci calingiwile omwo kwakele vakulunu va vanalume vavangi mu naanga ya vatekulwila va Elyazale, kutuvakana va muli Itamale.

1 Mizimbu 27:1

Ou ukewo mukana wa vakulunu va mu naanga ya vaIsalele na vantwama va vikota na vamyata vavo vaje vatwamenenene vipangi vya vumwene. A ngonde na ngonde, a mwaka uje vene, munga yeka ya vanalume vakupwa 24,000 vakele na kulyakula-akula vipangi mwisi ya muka-kushika wa mu ngonde ije.

1 Mizimbu 28:1

Mwene Ndaviti washikile vamyata va mu Isalele voshe kukungulukila mu Yelusalema. Ngecivene, vamyata voshe va miyati, na vamyata vaka-kwendesa vipangi vya vumwene, na vantwama va vikota, na vaka-kunyunga vufuko, na vimuna vaje vafukile mwene na vana vendi, na vamyata voshe va mu lipela, na vantwama va mashwalale, na vanu va vulemu, vakungulukile mu Yelusalema.

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

2 Mizimbu 1:3

Ngecivene, Solomoni na mbunga yoshe vaile ku mwela wakulemesela ku Ngimbiyone. Vaile kuje omwo kukekwo kwakele Mbalaka Mwakuliwanena, ije Mosesa ngamba ya Shukulu Kalunga watungilile mu mambo.

2 Mizimbu 29:20

Ngecivene, Mwene Hezekiya wakatukile mutondo-tondo, wakungulwile vantwama va mu nganda, voshe vaile ku Njuvo ya Shukulu Kalunga.

2 Mizimbu 30:2

Co Mwene Hezekiya na vamyata vendi, na vanu voshe va mu Yelusalema valizivasanene kulisamba Ciwano ca Pasovala ku ngonde yamucivali.