2 Mizimbu 1:11 - Livulu lya Shukulu Kalunga

¹¹ Co Njambi wakumbulwile Solomoni ngwendi, “Unalombo cuma cacivwa, kuwalombele vufuko, nambe lutsimo, nambe kutsa kwa vitozi vove, nambe kuyoya simbu yakama, oloni unalombo mana nakuzivisisa ngeci ushwane vanu vange ava, njinakupwisa mwene omwo vakevo.

2 Mizimbu 1:11 Iomraidhean Croise

1 Vimyene 10:24

Co vanu voshe va mu kaye vezile kuli ikeye nakutolilila ku mana endi aje amwanene Njambi.

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Vimyene 8:18

oloni Shukulu Kalunga wendekele kuli tate Ndaviti ngwendi, ‘Wayongwele mwamuvwa akushaka kunjitungila Njuvo,

1 Mizimbu 28:2

Mwene Ndaviti wemanene kulutwe lwavo, wendekele kuli vakevo ngwendi, “Vavushoko vwange, njitolilileni mwamuvwa. Njashakele kutungila Cikasa ca Cikumiiyo njuvo yakukola ije inapu litanda lya Shukulu Kalunga Njambi yetu. Njalivwaeselele cimweja vyakutungisa Njuvo ya Shukulu Kalunga mukumusingimika,

2 Mizimbu 1:12

Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”

Visimo 14:8

Omwo vikajo munu wakunyanyama ali na mana? Omwo azivuka vije vyanapande kulinga. Omwo vikajo cilema wapwa cilema? Omwo akayongola ngeci azivuka vyuma.

Visimo 23:7

Nambe akuleka ngwendi, “Lya vyakulya vyavingi.” Oloni kesi mukemwo mwalinakuyongola mu mbunge yendi.

Visimo 8:15

Njikakwasa vimyene kushwana, na vaka-kushwana kutunga mashiko amavwa.

Vilinga vya Miluwa 5:4

Omwo ovu vufuko vwapwile vwove omo kanda uvulandese, co nambe omo wavulandesele, vimbongo vyapwile vyove. Omwo vikoni wayongwele kulinga cuma eci? Kuwakwisile vanu embwe, oloni unakwisa Njambi!”

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”