2 Kolinte 9:11 - Livulu lya Shukulu Kalunga

¹¹ Co ikeye lalo simbu yoshe akamipwisa vaka-kufuka vakupwamo ngeci mwane a simbu na simbu, ngeci vavangi vakakandelele Njambi a vwana vweni vuje vutunda kuli yetu.

2 Kolinte 9:11 Iomraidhean Croise

2 Mizimbu 31:10

co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

Mateo 20:15

Kuma kunjapandele kulinga na vimbongo vyange ngwe munjinashakela ndi? Nambe yove kuma uli na cipululu a vungulu vwange ndi?’ ”

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

1 Kolinte 1:5

Omwo muli Kilistu vanamipwisa vaka-kufuka mu vyuma vyoshe, kuwezelelako na endekesi yoshe na mana oshe.

2 Kolinte 1:11

ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 8:16

Twakandelela kuli Njambi omwo natakamesa Tito na vakwavo ngwe mwatakamesele yetu lalo kumikwasa.

2 Kolinte 8:19

Co lalo vanamwangula nakumwimika mu vikungulukilo ngeci ende amo netu ngwe omo tulinakutwala vipangi evi vya cizemo omwo vumpau vwa Mwene nakumwesa ngeci tushaka kukwasa.

2 Kolinte 9:12

Omwo vipangi vije mulinakupana kesi ngwe vikwasa lika vanu va Njambi, oloni cinasholola lalo kushemutuka kwa kukandelela kwakama kuli Njambi.