2 Kolinte 9:10 - Livulu lya Shukulu Kalunga

¹⁰ Co Njambi, uje mukakwana vimbuto vyakukuva na likende lyakulya, ikeye lalo akamyana vimbuto vyoshe vije munajeneka, co akavikulisa, akamyana kuteja vyavingi manene kutunda ku vungulu vweni.

2 Kolinte 9:10 Iomraidhean Croise

Kushangumuka 47:19

Kesi tulanduke ku njala, tulande yetu na mahya etu na vyakulya. Tulande na livu lyetu mukulandakana na vyakulya. Co tukapwa vindungo va mwene, ikeye akafuka livu lyetu. Twane tiliku ituyoyese na mbuto tukuve mu mahya etu.”

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Muka-kwambulula 11:6

Kuna mbuto yove mutondo, co twalao nakupanga noo cingwezi. Iyajo azivuka? Amo vipangi vyove vikapwa vyakuvezika, na vimbuto vyove vikamena nakwima vyakulya.

Isaya 55:10

“Lijwi lyange linapu ngwe nyonzi ya vusuku-mbundu na nyonzi ije itunda kwilu nakujulisa asi aje akamene vimbuto vyakukuna, na vimbuto vya vinona vyakulya.

Hoziya 10:12

Njendekele ngwange, ‘Limeni kwoloka, nakukuna vushunga, co mukateja vivezikiso vije vikasholoka akulikundika kweni kuli yange. Simbu yeni yakwiluka kuli yange Kalunga keni inete, co njikaija nakumivezikisa!’

Mateo 6:1

“Nyanyameni kutewa mulingila vushunga vweni ku mesho a vanu ngeci vanu vamone vije vimulinakulinga. Nga mulinga vyuma vije ku mesho a vanu, kumukatambula cikandelela kuli Ishweni uje ali mwilu.

2 Kolinte 9:12

Omwo vipangi vije mulinakupana kesi ngwe vikwasa lika vanu va Njambi, oloni cinasholola lalo kushemutuka kwa kukandelela kwakama kuli Njambi.

2 Kolinte 9:6

Anukeni eci, munu uje akuna vimbuto vyavindondo akawana lalo vyavindondo, co uje akuna vyavingi akawana lalo vyavingi.

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

1 Tesalonika 3:12

Mwene akolese cizemo ceni kuli umo na mukwavo na kuli vanu voshe nakucipwisa cakama ngwe cizemo cetu kuli yeni.

1 Tesalonika 4:10

Co munakala nakulinga ngeci kuli vaka-kukulaela voshe mu Masendoniya mwoshe. Ngecivene, tumilomba vakwetu, wezeleleniko manene.