2 Kolinte 8:8 - Livulu lya Shukulu Kalunga

⁸ Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

2 Kolinte 8:8 Iomraidhean Croise

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

1 Kolinte 7:12

Oloni veka njivaleka ngwange (yange njinendekamo, kesi Mwene embwe), nga munalume muka-Yesu ali na munakazi kesi muka-kukulaela, co munakazi atava kukala nendi amo, munalume kapandele kumukondola.

1 Kolinte 7:25

Ololo, a vin̄anda vije mwasonekele ali vazike, kunjesi na lishiko lyakutunda kuli Mwene, oloni njimyana viyongola vyange ngwe umo uje a kutetela kwa Mwene napu muka-vushunga.

1 Kolinte 7:6

Njimileka evi kesi ngwe kumishika, oloni ngwe kumitava.

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

2 Kolinte 8:10

Viyongola vyange a n̄anda eyi vinapu ngeci mwamuvwa kuli yeni kumanesa vije mwashangumuka mwakawali. Mwapwile vaka-kulivanga, kesi kulinga lika embwe, oloni na cizango lalo cakupanga.

2 Kolinte 8:24

Mweseni cizemo ceni kuli vakevo, ngeci vikungulukilo vyoshe vikazivuke ngeci tulinakulinga vushunga akulyalesela ali yeni.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.

Efeso 4:15

Oloni akwendeka vushunga mu munzinzime wa cizemo, tunapande kukola mu vingila vyoshe muli Kilistu, uje napu mutwe.

Efeso 6:24

Kutetela kwa Njambi kukale na voshe vaje vazema Mwene yetu Yesu Kilistu na cizemo ca ku myaka yoshe.

VaHevelu 10:24

Ngecivene, tuliyongoleni umo na mukwavo nakulikwasa umo na umo nakumwesa cizemo nakulinga mwamuvwa.

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.