2 Kolinte 8:7 - Livulu lya Shukulu Kalunga

⁷ Munapu vaka-kufuka vene a vyoshe vije mulinavyo, mukukulaela, mwendekesi na mukuzivisisa na mu lukakateya lweni lwakutukwasa na mu cizemo ceni ali yetu. Ngecivene, tushaka lalo mutwaleleleo mu vipangi evi.

2 Kolinte 8:7 Iomraidhean Croise

Mateo 25:22

“Na uje ngamba watambwile vimbongo vyakupwa 2,000 nendi lalo wezile, co wendekele ngwendi, ‘Shukulu, mwanjanene vimbongo vyakupwa 2,000. Kengeni! Njinawanao lalo vimbongo vyeka vyakupwa 2,000.’

Loma 15:14

Vakwetu, njamono ngwange mwa vushunga yeni munashulu na vuvwa, munazivisisa manene, co mwasa kulilongesa umo na mukwavo.

1 Kolinte 1:5

Omwo muli Kilistu vanamipwisa vaka-kufuka mu vyuma vyoshe, kuwezelelako na endekesi yoshe na mana oshe.

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

1 Kolinte 13:8

Cizemo capwa ca myaka yoshe. Kuli vuka-kwimanena, oloni vwa kasimbu lika, kuli mavwana akwendeka vindaka vyaviha, oloni nao akahwa, kuli mana, oloni akahwa.

1 Kolinte 14:12

Ngecivene, omo muli na cizango cakushakezeka mavwana a Munzinzime, akamwa ya vyuma vyoshe munapande kweseka manene kupangesa mavwana aje akwasa kutunga cikungulukilo.

1 Kolinte 4:7

Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

2 Kolinte 7:7

Kesi akwija kwendi lika embwe, oloni nakuzembeleka kuje mwamuzembelekele nakwo. Natuleka lalo ngwendi mushaka kunjimona, muli na mangunge nakulila omwo yange, ngecivnene, njavwaelela manene.

2 Kolinte 8:6

Ngecivene, twasindiiye Tito, uje washangumukile vipangi evi, kutwalelelao nakumikwasa noo munamanesa vipangi evi vya cizemo.

2 Kolinte 9:14

Ngecivene, vakevo vakamilombelela manene a mana a ku vimbunge omwo kutetela kuje kwanamisholwela Njambi.

2 Kolinte 9:8

Co Njambi akasa kumyana kutuvakana ngwe kukujeneka kweni, ngeci mukakale navyo vyavingi ngwe kukujeneka kweni, nakukala lalo na vyavingi vyakupwisa a vuvwa vwoshe.

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 1:9

Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.