2 Kolinte 8:23 - Livulu lya Shukulu Kalunga

²³ Nga vamo vehula ali Tito, ikeye mukwetu, lalo mukwasi wange mutukapangela vipangi vyakumikwasa, co nga vehula ali vandolome vetu vakwavo vaje valinakuya amo nendi, vakevo vanapu vaka-kwimanena vikungulukilo nakunena vumpau kuli Kilistu.

2 Kolinte 8:23 Iomraidhean Croise

Luka 5:10

Yakomba na Yowano vana va Zembendeo, vasamba va Simoni, navo lalo valikomokelele. Yesu wendekele kuli Simoni ngwendi, “Kesi uzive lyova, tunde ano ukajevela vanu.”

Luka 5:7

Ngecivene, vanyateyeye vasamba vavo vakele mu vwato vukwavo vaije vakuvakwase. Vezile vashulisile mato oshe na visi, co mato ashakele kuvombela.

Yowano 13:16

Mwa vushunga njimileka ngwange, ndungo naumo wai natuvakana shukulu yendi, nameme muluwa naumo wai natuvakana uje wamutumine.

1 Kolinte 11:7

Munalume kapandele kufwika ku mutwe wendi, omwo alinakusholola cifwa na vumpau vwa Njambi. Oloni munakazi alinakusholola vumpau vwa munalume,

2 Kolinte 12:18

Njalombele Tito kuya kuli yeni, co lalo njatumine ndolome Muka-Yesu weka amo nendi. Kuma mwasa kwendeka ngweni Tito watambwile cuma cimo kuli yeni ndi? Kuma kesi ikeye amolika nange twapangele mu ngila eyi vene na cifwa cimo nakulinyunga mu ngila ya cifwa eci vene ndi?

2 Kolinte 7:6

Oloni Njambi, uje muka-kutakamesa vaka-kuzeya, watutakamesele akwija kwa Tito.

2 Kolinte 8:16

Twakandelela kuli Njambi omwo natakamesa Tito na vakwavo ngwe mwatakamesele yetu lalo kumikwasa.

2 Kolinte 8:18

Tulinakutuma amo nendi ndolome yetu ivanasingimika mu vikungulukilo vyoshe mu vipangi vyendi vyakwambulula lijwi.

2 Kolinte 8:19

Co lalo vanamwangula nakumwimika mu vikungulukilo ngeci ende amo netu ngwe omo tulinakutwala vipangi evi vya cizemo omwo vumpau vwa Mwene nakumwesa ngeci tushaka kukwasa.

2 Kolinte 8:22

Ngecivene, tulinakutuma ndolome yetu amo navo, omwo tunamweseka visimbu vyavingi, co tunawana ngeci wapwa muka-lukakateya mukukwasa. Co omwo namikulaela, ali na lukakateya manene lwakumikwasa.

2 Kolinte 8:6

Ngecivene, twasindiiye Tito, uje washangumukile vipangi evi, kutwalelelao nakumikwasa noo munamanesa vipangi evi vya cizemo.

Filipu 2:25

Njayongola ngwange cinapande ngeci njitume ndolome yetu Epafolonditu, uje wapangele nakulwila ku mutambela wange, co napanga ngwe ngamba yeni mukunjikwasa.

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

Kolose 1:7

Mwalilongesele vya kutetela kwa Njambi kuli Epafalase, ngamba mukwetu itwazema, uje napu muka-kupanga wa kulongwa wa Kilistu ku mutambela wetu.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.

Filimoni 1:17

Ngecivene, nga ulinakunjiyongola ngwe njapwa nji mukweni mu vipangi, unapande kumutambula ngwe utambula yange vene.

Filimoni 1:24

co lalo na Mako na Alisitakase na Ndemase na Luka vakwetu mu vipangi vanatumu viindu vyavo kuli yeni.

3 Yowano 1:8

Ngecivene, yetu vaka-Yesu, tunapande kukwasa vanu ava, ngeci tulipangele navo mu vipangi vyavo vya vushunga.