2 Kolinte 8:19 - Livulu lya Shukulu Kalunga

¹⁹ Co lalo vanamwangula nakumwimika mu vikungulukilo ngeci ende amo netu ngwe omo tulinakutwala vipangi evi vya cizemo omwo vumpau vwa Mwene nakumwesa ngeci tushaka kukwasa.

2 Kolinte 8:19 Iomraidhean Croise

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

Vilinga vya Miluwa 15:22

Asinoni miluwa na vakulunu, amo na cikungulukilo coshe vayongwele kwangula vamo vanalume mu munga yavo ngeci vavatume ku Antyoke amo na Paulu na Mbanambase. Vaangwile vanalume vavali vaje vavasingimikile manene vaka-kukulaela, Yundasa ivasanene Mbalasambasa na Silasi,

Vilinga vya Miluwa 15:25

Co twalikungulwile nakulizivasana tuvavoshe kwangula vamo tunganda nakuvatuma kuli yeni. Vaija na vasamba vetu vatwazema manene Mbanambase na Paulu,

Vilinga vya Miluwa 19:22

Ngecivene, watumine ku Masendoniya Timateo na Elasitase vaka-kumukwasa vendi vavali, omo ikeye wacikele simbu yakama mu lifuti lya Asiya.

Vilinga vya Miluwa 19:29

Ngecivene, muyoyo ou washandokelele mu nganda mwoshe. Co ije mbunga vakwatele Ngayase na Alisitakase, vaka-Masendoniya vavali vaje vendele amo na Paulu, co vashatukile amo navo kuya ku njuvo yakweela.

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 8:11

Ngecivene, a cuma eci, maneseni vipangi! Kaleni na lukakateya lwakumanesa vipangi ngwe mumwashangumukile vutumbe vwavyo, co vilingeni na vije mulinavyo ololo.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 8:20

Tunalingi mwamuvwa ngeci kesi tushangumune vyakulinyenga a vwana vuvanalingi kuli yetu.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

2 Kolinte 9:8

Co Njambi akasa kumyana kutuvakana ngwe kukujeneka kweni, ngeci mukakale navyo vyavingi ngwe kukujeneka kweni, nakukala lalo na vyavingi vyakupwisa a vuvwa vwoshe.