2 Kolinte 8:10 - Livulu lya Shukulu Kalunga

¹⁰ Viyongola vyange a n̄anda eyi vinapu ngeci mwamuvwa kuli yeni kumanesa vije mwashangumuka mwakawali. Mwapwile vaka-kulivanga, kesi kulinga lika embwe, oloni na cizango lalo cakupanga.

2 Kolinte 8:10 Iomraidhean Croise

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Mateo 10:42

Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Yowano 11:50

Kuma kumuzivuka ngweni mwamuvwa munu umo kutsila vanu, co kutuvakana kunyongesa muyati woshe ndi?”

Yowano 16:7

Oloni mwa vushunga njimileka ngwange, mwamuvwa kuli yeni ngeci yange njiye, omwo nga kunjii, Mukwasi kakaija kuli yeni. Oloni nga njiya, co njikamutuma kuli yeni.

Yowano 18:14

Ikeye Kayafase uje wanangwile vaka-kushwana va vaYunda ngwendi mwamuvwa munu umo kutsila vanu voshe.

1 Kolinte 10:23

Ngecivene, vendeka ngwavo, “Vanatutavesa kulinga coshe-icoshe.” Eyo, mwa vushunga vene, oloni kesi vyuma vyoshe vyavivwa. “Vanatutavesa kulinga vyuma vyoshe,” oloni kesi vyuma vyoshe vikwasa embwe.

1 Kolinte 16:2

A Calumingo na Calumingo munapande kwakela kumukulo vimbongo vimo, kupwisa ku vije vimunawana, co vitulikeni, ngeci omo njiija, kukukakala kutambula mulambu embwe.

1 Kolinte 6:12

Umo endeka ngwendi, “Vananjitavesa kulinga vyuma vyoshe.” Eyo, oloni kesi vyuma vyoshe vinapu vyavivwa kuli yove embwe. Njasa kwendeka ngwange vananjitavesa kulinga vyuma vyoshe, oloni kunjitava ngeci cuma cimo cinjipwise ndungo embwe.

1 Kolinte 7:25

Ololo, a vin̄anda vije mwasonekele ali vazike, kunjesi na lishiko lyakutunda kuli Mwene, oloni njimyana viyongola vyange ngwe umo uje a kutetela kwa Mwene napu muka-vushunga.

1 Kolinte 7:40

Oloni avwaelela manene nga atumbama mu vuzike. Evi vinapu viyongola vyange lika, co njayongola ngwange nange lalo njili na Munzinzime wa Njambi.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

2 Kolinte 8:6

Ngecivene, twasindiiye Tito, uje washangumukile vipangi evi, kutwalelelao nakumikwasa noo munamanesa vipangi evi vya cizemo.

2 Kolinte 8:8

Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.