2 Kolinte 7:6 - Livulu lya Shukulu Kalunga

⁶ Oloni Njambi, uje muka-kutakamesa vaka-kuzeya, watutakamesele akwija kwa Tito.

2 Kolinte 7:6 Iomraidhean Croise

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Mateo 5:4

“Vanavezika vaje valinakulila, omwo Njambi akavazembeleka!

Yowano 14:16

Co njikalomba kuli Tate, co akamyana Mukwasi weka, uje akakala neni ku myaka yoshe.

Loma 15:5

Co Njambi, nsina ya lukakateya nakutakamesa, amyasese kukala mu viyongola vimo akati keni akukava nakutembunwina Kilistu Yesu,

2 Kolinte 7:13

Eci cikeco catutakamesele manene. Kesi ngwe akututakamesa lika embwe, oloni Tito watuvwaelelesele manene nakuvwaelela kwendi a vyuma vije vyalingiwile ali ikeye vije yeni voshe mwamukwasele ngeci avwaelele.

2 Kolinte 7:14

Co njalishashele manene kuli ikeye ali yeni, co yeni kumwanjizivisile shwamwa. Yetu simbu yoshe tunendeka vushunga ali yeni, co mu ngila eyi vene, kulishashela kwetu ali Tito cinasholoka ca vushunga.

2 Kolinte 7:7

Kesi akwija kwendi lika embwe, oloni nakuzembeleka kuje mwamuzembelekele nakwo. Natuleka lalo ngwendi mushaka kunjimona, muli na mangunge nakulila omwo yange, ngecivnene, njavwaelela manene.

Filipu 2:1

Myonyo yeni muli Kilistu ilinakumyana nzili, na cizemo cendi cilinakumizembeleka. Muli na kulitombola na Munzinzime, co muli na mbunge ya ngozi nakulitetela umo na mukwavo.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,