2 Kolinte 7:15 - Livulu lya Shukulu Kalunga

¹⁵ Ngecivene, cizemo cendi kuli yeni cilinakukola, akwanuka vatijo yeni muvavoshe mwononokele kukunangula kwendi, na muje mwamutambwile na lyova nakujaja.

2 Kolinte 7:15 Iomraidhean Croise

Kushangumuka 43:30

Vwasi-vwasi Yosefa wavasezele, waile ku mulili wendi nakukalililako omwo mbunge yendi yazeyele omwo vusiwa akumona ndolome yendi Mbenjemani.

1 Vimyene 3:26

Co vaina ya uje mwana, vazivile manene mema ku mbunge ali munendi, co wendekele kuli mwene ngwendi, “Shukulu, shukulu, kesi mutsiye mwanike! Mwaneni vene kuli ikeye!” Oloni uje munakazi mukwavo wendekele ngwendi, “Kesi mumwane kuli umo wetu embwe, mutavuleni vene vimbazuvwila vivali.”

Ezela 10:9

Co a matangwa aje atatu, ku litangwa lyamumakumi avali ku ngonde yamucitanu na viwana, vanalume voshe vaje vakele mu mutambela wa Yunda na Mbenjemani vezile ku Yelusalema, vakungulukilile mushandangala ku Njuvo ya Shukulu Kalunga. Co nyonzi yanyokele, co omwo lisika na vukama vwa cikungulukilo cije, munu na munu wakele nakujaja.

Ezela 9:4

Njatumbamene kuje mu vusiwa noo simbu ya cingwezi yetele yakukombelela vin̄ombelo, co vanu valikungulwilile kuli yange, voshe vaje vazivile lyova a majwi a Njambi ya Isalele omwo a vuvi vwa vaje velukile kutunda ku vunzinda.

Yombi 21:6

Omo njiyongola evi vinalingiwa ali yange, co njalikomokela, njitsa cintsima nakujaja.

Myaso 119:120

Njijaja manene omo njikuyongola, njili na lyova lya kusompa kwove.

Myaso 2:11

Pangeleni Shukulu Kalunga nakujaja,

Myaso ya Solomoni 5:4

Muka-cizemo cange wakovelesele livoko lyendi mu mbengwa ya cikolo, co mbunge yange yamushungwiiye omwo wakele muyehi nange.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Hoziya 13:1

Ku myaka ya kunima, omo muyati wa Efalime vendekele, co miyati ikwavo ya Isalele vazivile lyova, co vakengele lika kuli Efalime. Oloni vanu va Efalime valingile vuvi akulemesa Mbale, a vyuma evi, co vakatsa.

Yowano 16:21

Omo munakazi ashaka kukita mwana, ali na vusiwa, omwo simbu yendi yakuyanda inete, oloni omo mwana asemuka, evala tuyando twendi, omwo navwaelela ngeci mbututu nasemuka ano a kaye.

Vilinga vya Miluwa 16:29

Co uje muka-kunyunga kamenga wasanene ngeci vamunenele ndeya, co washatukililemo, co watsikamene ku myanja ya Paulu na Silasi oku alinakujaja.

1 Kolinte 2:3

Ngecivene, omo njezile kuli yeni, njazeyele nakujaja na lyova,

2 Kolinte 2:9

Njamisonekelele uje mukanda, omwo njashakele kumyeseka ngeci njizivuke vati nga mulinakwononoka ku lijwi lyange.

2 Kolinte 6:12

Kesi yetu tunashoko vimbunge vyetu kuli yeni, oloni yeni munashoko vimbunge vyeni kuli yetu.

Efeso 6:5

Eni vindungo, ononokeni kuli vashukulu veni va ano asi na lyova nakujaja, co lingeni eci na mbunge ya lyovwa-ovwa, ngwe vene mulinakupangela Kilistu.

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

2 Tesalonika 3:14

Amo kuli umo uje kashaka kwononoka lijwi lyetu lije twatumu kuli yeni mu mukanda ou. Nga ngoconi, mukengeni, co mushondolokeni, ngeci shwamwa imukole.

1 Yowano 3:17

Nga yetu tunafuku, co tumona vakwetu vanajeneka, co tukala na vukundwisi mu vimbunge vyetu kujeneka kuvakwasa, vatijo twendeka ngwetu tulinakuzema Njambi?