2 Kolinte 7:11 - Livulu lya Shukulu Kalunga

¹¹ Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

2 Kolinte 7:11 Iomraidhean Croise

Nehemiya 13:25

Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 119:139

Vukalu vwange vwakama manene, omwo vitozi vange vavyana majwi ove.

Myaso 130:6

Njilinakuvandamena Shukulu Kalunga, kutuvakana vaka-kunyunga omo vavandamena kutuuka kwa litangwa, eyo, njilinakuvandamena Shukulu Kalunga kutuvakana vaka-kunyunga omo vavandamena kutuuka kwa litangwa.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 2:11

Pangeleni Shukulu Kalunga nakujaja,

Myaso 35:13

Oloni omo vakele nakuvinja, njazalele cikeleya, co njalikeesele nakulikela kulya, njalombelele nakulikulamena,

Myaso 38:9

Yove Shukulu Kalunga uzivuka vije vinjishaka, yove unazivi kukemanga kwange kwoshe.

Myaso 42:1

Ngwe nava ashungwiya manene vana va vindonga vya mema akutonola, nange lalo njishungwiya yove, Njambi yange.

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Visimo 14:16

Vaka-mana vakalinyungu ku vukalu, oloni vilema vapwa valishamena, co vakalingi vyuma kuviyongola.

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Ndanyele 6:14

Omo Mwene wazivile majwi awa, co wakele na citanga cakama, wayongwele kuwana ngila imo yakwamena Ndanyele. Wesekele manene noo litangwa lyatokele.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Yowano 2:17

Vandongisi vendi vanukile ngeci visoneka vyendekele ngwavyo, “Yove Njambi, cizemo cange ku Njuvo yove, cilinakushukuma muli yange ngwe tuhya.”

Vilinga vya Miluwa 17:16

Omo Paulu wakele nakuvandamena Silasi na Timateo mu Atena, wakele na citanga cakama manene omo wamwene muje mu nganda munashulu tumponya.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

1 Kolinte 12:25

Co kukwesi kutepesa mu muvila, oloni cilyo cimo na cimo cili na cishota-mbunge ku cilyo cikwavo.

1 Kolinte 5:13

Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”

1 Kolinte 5:2

Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo.

2 Kolinte 13:7

Tulinakulomba kuli Njambi ngeci kesi mukalinge vyuma vyavivi embwe, nambe kumwesa ngeci yetu vaka-kuhyana, oloni ngeci yeni mulinge vya vushunga, nambe tupwa ngwe vaka-kwonwa.

2 Kolinte 2:6

Eci cinapumo kuli munu uje ivananyanyamesa kuli vanu voshe vavangi.

2 Kolinte 6:4

Mu ngila eyi vene, mu vyoshe vyuma tulinakupanga, tulinakusholola ngeci tunapu vangamba va Njambi, a lukakateya na mu tuyando, mu n̄avava na mukukaluwa na mu vitanga.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

2 Kolinte 7:7

Kesi akwija kwendi lika embwe, oloni nakuzembeleka kuje mwamuzembelekele nakwo. Natuleka lalo ngwendi mushaka kunjimona, muli na mangunge nakulila omwo yange, ngecivnene, njavwaelela manene.

2 Kolinte 7:9

Oloni ololo njilinakuvwaelela kesi ngwe omwo njamizivisile vusiwa embwe, oloni omwo vusiwa vweni vunatengulwisa vingila vyeni. Omwo vusiwa ovu Njambi wavupangesele, co yetu kutwamivulumwine.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Timateo 5:20

Voshe vaje valinakulinga vuvi vavendekele ku mesho a vanu mutanya mwelu, ngeci vaje vanasalao vazive lyova.

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 4:1

Ololo, Njambi natusezela cikulaeso ngeci tukakovele mukuhwima kuje kwendekele. Ngecivene, nyanyameni kutewa akati keni akakala umo kakakovela mukuhwima kuje kwanatukulaesa.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.