2 Kolinte 7:10 - Livulu lya Shukulu Kalunga

¹⁰ Omwo vusiwa vwa cizango ca Njambi navupangesa mukumitwala kukutenguluka kwa vimbunge vyeni nakumitwamenena kukwovoka, co eci naumo wai asa kucivyana! Oloni vusiwa vwa ku cisemwa ca vunu vutwala ku kutsa.

2 Kolinte 7:10 Iomraidhean Croise

Kushangumuka 30:1

Omo Lakele wamwene ngeci ikeye kesi na mwana yanakiti kuli Yakomba, co wazivilile ndokazi yendi lifuwa, wendekele kuli Yakomba ngwendi, “Nange njishaka kukita, nga kunjikiti, co njitsa.”

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 13:4

Co Yonandave wendekele kuli Aminone ngwendi, “Yove unapu u muna mwene, oloni omwo vikajo a litangwa na litangwa njikakumono unazeye?” Aminone wamukumbulwile ngwendi, “Njizema Tamale, ndokazi ya shongo yange Avisalome wa mu limo lyeka.”

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

1 Vimyene 21:4

Ahave welukile kwimbo, walinyengele nakuviilila manene a vije vyendekele Navote kuli ikeye. Washuluvalele a vulili vwendi, wakengele a civumbe, co wavyanene kulya.

Myaso 38:18

Njilitavela vuvi vwange, vukevwo vulinakunjizivisa shwamwa.

Visimo 15:13

Omo vanu vanavwaelela, co vajola-jola, oloni omo vaviilila, co vazeya.

Visimo 15:15

Kuyoya kwa kautu, simbu yoshe kwapwa kwa kayando, oloni vanu vakuvwaelela, simbu yoshe vajolela mukuyoya kwavo.

Visimo 17:22

Mbunge yakuvwaelela ikangwisa muvila, oloni mbunge yakulinyenga simbu yoshe iyondwesa muvila.

Visimo 18:14

Mbunge yove inapande kusimpa omo uvinja, oloni nacimo cai cikwasa nga mbunge yove izeya.

Muka-kwambulula 7:3

Vusiwa vunapu vwavuvwa kutuvakana kujola, vusiwa vwasa kusholoka ku cihanga cove, oloni mbunge ivwaelela.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Yona 4:9

Oloni Njambi wendekele kuli Yona ngwendi, “Kuma cinakupande kuluvala a mono eyi ndi?” Co Yona wamukumbulwile ngwendi, “Mwamuvwa kuli yange kuluvala nameme vene kutsa.”

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

2 Kolinte 7:9

Oloni ololo njilinakuvwaelela kesi ngwe omwo njamizivisile vusiwa embwe, oloni omwo vusiwa vweni vunatengulwisa vingila vyeni. Omwo vusiwa ovu Njambi wavupangesele, co yetu kutwamivulumwine.

VaHevelu 12:17

Munima yevi, munazivuka ikeye washakele kutambula civezikiso kuli ishe, oloni vamuvyanene, omwo kasele kutengulula cije calingile, nambe walilile na misozi kaciwanene.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.