2 Kolinte 6:8 - Livulu lya Shukulu Kalunga

⁸ Valinakutusingimika nakutwombwanesa, valinakutushaula nakutushangazala. Valinakutupangesa ngwe tu vaka-makuli, kuma yetu twendeka vushunga,

2 Kolinte 6:8 Iomraidhean Croise

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 22:16

Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu.

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mako 12:14

Co vezile kuli ikeye vendekele ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu kujeneka kulipesa a viyongola vya vanu. Omwo kuwesi kukenga ali munu nambe wapwa wa vulemu nambe kesi wa vulemu. Tuleke, kuma Lishiko lyetu litavesa kufweta lisimu kuli Sezale indi embwe?”

Yowano 7:12

Co kuje kwakele kungunguta ali ikeye mu mbunga ije, vamo vanu vendekele ngwavo, “Napu munu wamuvwa.” Co veka lalo ngwavo, “Embwe, alinakutangula vanu.”

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 16:39

Ngecivene, vaileko nakulitavela kuli vakevo, asinoni vavatuwisile mu kamenga, co vavalekele ngeci vatunde mu nganda.

Vilinga vya Miluwa 22:12

“Mu nganda muje mwakele munalume umo lizina lyendi Ananiyasi, wa kulongwa muka-kwononoka Lishiko lyetu, co vamusingimikile manene kuli vaYunda voshe vaje vakele mu Ndamasiku.

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

Vilinga vya Miluwa 28:22

Oloni tushaka kuziva viyongola vyove, omwo tuzivuka ngwetu kwoshe-ikwoshe vanu valinakwendeka nakulwisa mbunga eyi muje muuli.”

Vilinga vya Miluwa 4:21

Ngecivene, Munga ije vavanangwile manene, co vavecelele. Vamwene ngeci capwile cacikalu kuvanyanyamesa, omwo vanu voshe vashangazalele Njambi a vije vyalingiwile.

Vilinga vya Miluwa 5:13

Naumo wai walikumbasanene navo, oloni nameme ngoco vanu vavashangazalele manene.

Vilinga vya Miluwa 6:3

Ngecivene, vakwetu, anguleni vanalume vatanu na vavali akati keni vaje vamuzivuka ngeci vanashulu na Munzinzime Wakujela vali na mana, tuvake ngeci vapange cipangi eci.

Loma 3:8

Co vikajo kumwendeka ngweni, “Tulingeni vuvi ngeci vuvwa vusholoke?” Mwa vushunga, vanu vamo valinakunjishaula nakunjivangela ngwavo njinendeka cuma eci! Vakavahisa ngwe mucinapande.

2 Kolinte 1:18

Oloni Njambi wapwa muka-vushunga, majwi etu kuli yeni kuwapwile, “Eyo” nambe “Embwe.”

2 Kolinte 11:21

Njilinakwendeka na shwamwa, omwo twapwile tu vaka-kuzeya! Oloni nga umo aamuka kulishashela a cuma cimo, njendeka ngwe nji cilema, co nange lalo njikaamuka a cifwa cangacije.

2 Kolinte 12:16

Ngecivene, munjitava omwo kunjamitwikile citele. Oloni vamo vendeka ngwavo njamikokweyeye nakunyanyama nakumikwata na makuli.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

1 Tesalonika 2:3

Kulombela kwetu kuli yeni kukwemanene a vutumbe vwakusevwisa nambe a matumbe amavi, nambe kukwisa munu umo.

1 Timateo 3:7

Napande kupwa munalume wa kasingimiko kuli vanu vaje vali anja ya cikungulukilo, ngeci kesi azive shwamwa nakuwila mu mweto wa Liyavola.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.

3 Yowano 1:12

Vanu voshe valinakushangazala Ndemetelyase,vushunga vulyambulula vukevwo vavenya ali ikeye. Co netu tuwezelelako vukaleo vwetu, co mwazivuka ngweni vije vitulinakwendeka vinapu vya vushunga.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.