2 Kolinte 6:7 - Livulu lya Shukulu Kalunga

⁷ na a lijwi lyetu lya vushunga na a nzili ya Njambi. Vushunga tunavupwisa vitwa vyetu vwakulwisa navyo na vyakutwamena.

2 Kolinte 6:7 Iomraidhean Croise

Myaso 119:43

Njasese kwendeka vushunga simbu yoshe, omwo cinyangavili cange, cili mu mashiko ove.

Kutuuka 14:22

ngecivene, vaIsalele vajavukile a mema a kalunga nakwenda a livu lyakuma. Mema emanene noku-noku ngwe vivumbe, ngeci vanu vendele mukati ka vivumbe vya mema.

Visimo 3:16

Mana akeo akuyoyesa matangwa amangi, akwana lalo vufuko na kasingimiko.

Isaya 11:5

Akashwana vanu vendi mu vushunga na mu kulongwa.

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Vilinga vya Miluwa 11:21

Cooni nzili ya Mwene yakele ali vakevo, co mbunga yakama ya vanu vakulaelele nakutengulukila kuli Mwene.

1 Kolinte 1:24

oloni kuli vaje vaanasana Njambi, vaYunda na vaje kesi vaYunda, muzimbu ou ukewo Kilistu, ikeye napu nzili ya Njambi na mana a Njambi.

2 Kolinte 13:4

Nameme vamushukikile a cilindakano omwo kuzeya, oloni anga alinakuyoya omwo nzili ya Njambi. Omwo yetu lalo tunazeye muli ikeye, oloni tukayoya amo nendi omwo nzili ya Njambi kuli yeni.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 7:14

Co njalishashele manene kuli ikeye ali yeni, co yeni kumwanjizivisile shwamwa. Yetu simbu yoshe tunendeka vushunga ali yeni, co mu ngila eyi vene, kulishashela kwetu ali Tito cinasholoka ca vushunga.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

2 Timateo 4:7

Njinalu nzita yaivwa, co njinashatuka nakwetesa seteko yange, co njinanyungu kukulaela.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.