2 Kolinte 6:6 - Livulu lya Shukulu Kalunga

⁶ Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

2 Kolinte 6:6 Iomraidhean Croise

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 13:4

Cizemo cili na lukakateya na kutetela, cizemo kucesi na lifuwa nambe kulyalesa,

1 Kolinte 2:16

Ngwe muvyendeka visoneka ngwavyo, “Iyajo azivuka viyongola vya Shukulu Kalunga? Iyajo asa kumunangula?” Yetu nameme ngoco, tuli na viyongola vya Kilistu.

1 Kolinte 2:4

co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

2 Kolinte 1:23

Njitumbula Njambi kupwa mukaleo wange, azivuka mbunge yange! Mu ngila yakumitetela njayongwele ngeci kesi njiye ku Kolinte.

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 11:6

Nambe njinapu wamundondo akwendeka, oloni mwa vushunga vene kesi mu mana embwe, omwo mu vingila vyoshe na a visimbu vyoshe tunamisholwela vyuma evi.

2 Kolinte 12:15

Njikavwaelela manene nakwana vije vyoshe njilinavyo, amo nange vavenya vene, mukumikwasa. Kuma yeni Kuma mwanjizema kamandondo, omwo yange njamizema manene ndi?

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.

2 Kolinte 2:10

Omo musambesa munu ku vije vyanalingi, co nange lalo njinamusambesa. Omwo nga njinasambesa vuvi, njilinakucilinga ku mesho a Kilistu, omwo yeni,

2 Kolinte 2:4

Njamisonekelele nakuviilila kwakama manene na n̄avava mu mbunge, na misozi yaingi, ngeci kesi njimiviililise lalo embwe, oloni munanguke ngeci kuma njamizema muvavoshe.

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 7:2

Tushokolweleni vimbunge vyeni. Kutwalingile mwamuvi munu naumo wai wai itunaviisila, nambe kweseka kwambata cuma cimo mu ngila ya makuli.

Ngalatiya 3:2

Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 3:4

co nga mukalava vije vinjasoneka mwasa kulilongesa nakuzivuka visin̄iko vya Kilistu.)

Efeso 4:2

Simbu yoshe pweni vaka-kulilumbilisa, vaka-kulikeesa na vaka-lukakateya. Shololeni cizemo ceni mukuliyandela umo na mukwavo.

Efeso 4:32

Oloni pweni vaka-ngozi na vaka-mbunge ya lyovwa-ovwa kuli umo na mukwavo, co lisambeseni umo na mukwavo, ngwe mwanamisambesa Njambi muli Kilistu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 5:2

na vakulunu va vanakazi ngwe vanyoko, na vambanda ngwe vandokazi vove, mukujela mwoshe.

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

Maako 16:15

Ngecivene, ikeye wamwihwile ngwendi, “Vatijo wasa kwendeka ngwove unjizema, oku mbunge yove yaiko kuli yange? Yove unendeka kuli yange nakunjikwisa visimbu vitatu, anga vene kanda ucinjileke muyafwa nzili yove.”