2 Kolinte 6:5 - Livulu lya Shukulu Kalunga

⁵ Vatupupile, vatwakele mu kamenga na mukulwa na mukuundangana, co twakele lalo mu cilavu-lavu nakujeneka vyakulya.

2 Kolinte 6:5 Iomraidhean Croise

1 Vimyene 22:27

Valekeni vamwake mu kamenga, co vamwane lika likende na mema noo njiiluka mwamuvwa.”

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Njelemiya 33:1

Lijwi lya Shukulu Kalunga lyezile lalo kuli yange, omo njakele mu kamenga mu cipango ca vaka-kunyunga lipela ngwalyo,

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Ezekiyele 3:17

“Muna munu, njikupwisa muka-kunyunga muyati wa Isalele. Yove ukavanangula vije vinjikuleka.

Mateo 14:10

Ngecivene, vakatapele mutwe wa Yowano mu kamenga.

Mateo 14:3

Omwo Helonde washikile ngeci vakwate Yowano, co vamukutile nakumwaka mu kamenga, omwo ali Helondiya, munakazi wa ndolome yendi Filipu.

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Vilinga vya Miluwa 13:3

Co vakevo valikelele kulya, co valombelele vavakambekele mavoko nakuvatuma.

Vilinga vya Miluwa 14:19

Oloni vaYunda vamo vatundile ku Antyoke mu Pisindiya na ku Ikoniyame vashongangeyeye vimbunga, co vashele mamanya Paulu nakumukokela anja ya nganda, vayongwele ngwavo natsi.

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

Vilinga vya Miluwa 17:5

Oloni vaYunda vakele na muuka, co vakungulwile vamo vyendangani va muuka mu vitapalo, co vamungile munga. Vanenele citanga cakama muje mu nganda yoshe, co valwisile njuvo ya Njasone mukweseka kuwana Paulu na Silasi ngeci vavatwale ku mbunga ya vanu.

Vilinga vya Miluwa 20:31

Ngecivene, nyanyameni, co anukeni ngweni mutanya na vutsiki a myaka itatu njalongesele umo na umo weni na misozi yaingi.

Vilinga vya Miluwa 23:10

Co omo vimata vanu valikananganene manene, uje muka-kushika mashwalale wazivile lyova ngwendi amo Paulu vamutavozola. Ngecivene, washikile mashwalale vendi kukovela akati ka mbunga ije ngeci vakatundiseo Paulu nakumutwala ku vinjuvo vyakunyungila.

Vilinga vya Miluwa 23:35

wendekele ngwendi, “Njikaziva vyove omo vaka-kukuvangela vanaija.” Co washikile ngeci Paulu vanapande kumunyungila mu lipela lya nguvulu.

Vilinga vya Miluwa 24:27

Oloni omo kwetile myaka ivali, Posiyase Fesitase washwanene mu mwela wa Felikisi kupwa nguvulu. Felikisi washakele kuvwaelelesa vaYunda, co wasezele Paulu mu kamenga.

Vilinga vya Miluwa 26:10

Evi vikevyo njalingile mu Yelusalema. Njatambwile moko yakutunda kuli vakulunu va vaka-kukombelela nakwaka mu kamenga vanu va Njambi vavangi, co omo vavasompelele kutsa, nange lalo njatavele kutsa kwavo.

Vilinga vya Miluwa 26:29

Co Paulu wakumbulwile ngwendi, “Nambe mu simbu yaindondo nambe mu simbu yakama, lilombelo lyange kuli Njambi linapu ngeci yove neni voshe mulinakunjitolilila litangwa lya lelo mupwe ngwe yange, oloni kesi na malyenge awa embwe!”

Vilinga vya Miluwa 28:30

Co Paulu wakele kuje myaka ivali mu njuvo yakulifwetela ikeye vavenya, co watambwile voshe vaje vezile kuli ikeye nakumumona.

Vilinga vya Miluwa 5:18

Vakwatele miluwa nakuvaka mu kamenga ka mbunga.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 4:11

A simbu ino vene, tuli na njala na lihwila, tunazala vyakutavozoka, valinakutupupa, twendangana kutunda ku mutambela umo nakuya ku mutambela ukwavo,

1 Kolinte 7:5

Kesi mulikanangane umo na mukwavo, kuvanga akulivanga mulizivasane akati keni a simbu imo ngeci mukale na simbu yakulombela, oloni mulikumbasane lalo mu vulo vweni, kutewa Satana amyeseka omwo kumwasa kulinyunga yeni vavenya.

2 Kolinte 11:27

Kwakele vipangi na tuyando, visimbu vyavingi njalalele cilavu-lavu, co njakele na njala na lihwila, co lalo visimbu vimo njajenekele vyakulya vyakupwisamo, nambe vyakunjivingilikiya ku lisika, nambe vuzalo.

Efeso 3:1

Omwo a cuma eci, yange Paulu, cinzinda ca Yesu Kilistu njilomba kuli Njambi omwo ali yeni kesi vaYunda.

Kwituluka mu Mashiko 25:3

Co napande kumupupa makote akweta ku makumi awana lika, oloni kesi kutuvakanesa embwe. Nga vakatuvakanesa kumupupa makote, co ndolome yove akaziva shwamwa ku mesho a vanu.

Filipu 1:13

A cuma eci, vaka-kunyunga lipela voshe na voshe veka lalo kuno vazivuka ngwavo yange njili mu kamenga omwo njapwa nji ngamba ya Kilistu.

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

2 Timateo 2:9

Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge.

2 Timateo 4:5

Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:23

Njishaka muzivuke ngeci ndolome yetu Timateo ololo vanamwecela kutunda mu kamenga. Nga naija vwasi, co njikaija nendi omo njiija nakumimona.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.