2 Kolinte 6:4 - Livulu lya Shukulu Kalunga

⁴ Mu ngila eyi vene, mu vyoshe vyuma tulinakupanga, tulinakusholola ngeci tunapu vangamba va Njambi, a lukakateya na mu tuyando, mu n̄avava na mukukaluwa na mu vitanga.

2 Kolinte 6:4 Iomraidhean Croise

Isaya 61:6

Oloni yeni mukapwa vaka-kukombelela na vangamba va Shukulu Kalunga Njambi yetu. Vufuko vwa mafuti vukapwa vweni, na kulyalesa ngeci vunapu vweni.

Njwele 1:9

Kukwesi vimbuto nambe vinyu vyakulambula mu Njuvo ya Shukulu Kalunga, vaka-kukombelela valinakulila omwo kukwesi vin̄ombelo vyakukombelela kuli Shukulu Kalunga.

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Luka 21:19

Koleseni, co mukaamena myonyo yeni.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

Vilinga vya Miluwa 20:34

Yeni vavenya mwazivuka ngeci njinakala nakupanga na mavoko ange awa mukuwana vije yange na vavusamba vange twashakele.

Vilinga vya Miluwa 9:16

Omwo yange njikamuleka vyoshe vije vyanapande kuyanda omwo lizina lyange.”

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 16:10

Viindu kuli Apelese, uje kulongwa kwendi kuli Kilistu vanacishangala. Viindu kuli vaje vanakundama ku naanga ya Alisitombolase.

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

1 Kolinte 9:11

Nga tunakunu vimbuto vya munzinzime akati keni. Kuma cinapu cakama nga tuteja vwana kuli yeni ndi?

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

2 Kolinte 11:27

Kwakele vipangi na tuyando, visimbu vyavingi njalalele cilavu-lavu, co njakele na njala na lihwila, co lalo visimbu vimo njajenekele vyakulya vyakupwisamo, nambe vyakunjivingilikiya ku lisika, nambe vuzalo.

2 Kolinte 11:9

A simbu ije njakele neni kunjamiyandesele mukujeneka kwange vimbongo, omwo vandolome vaje vatundile ku Masendoniya vanjitikile vyoshe ngwe kukujeneka kwange. Ngwe matangwa a kunima, ngecivene, na kulutwe, kunjikamitwiki citele!

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

2 Kolinte 12:12

Vizivukiso na vikomokeso vyavingi vyalingiwile na lukakateya akati keni visholola vukaleo ngeci yange njinapu nji muluwa.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 4:8

Visimbu vyavingi tukakala mu vukalu, oloni kuvesi nakututsena, visimbu vimo tukakala mu vitanga, oloni kutwesi kwombwa,

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

1 Tesalonika 3:7

Omwo a cuma eci, mu tuyando twetu twoshe na n̄avava twakele nakulitakamesa omwo ali yeni vakwetu. Kukulaela kweni kukekwo kwatutakamesele,

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

1 Timateo 2:15

Oloni munakazi vakamwamena akukita vana, nga akakateya mukukulaela na mu cizemo na mukujela na kasingimiko.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

2 Timateo 4:5

Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.