2 Kolinte 6:2 - Livulu lya Shukulu Kalunga

² Tolilileni vika Njambi alinakwendeka ngwendi, “Njamitolililile mu simbu yange yaivwa, njamikwasele mu litangwa lyakwovoka.” Kengeni, eyi ikeyo simbu yaivwa, kengeni, lelo likelyo vene litangwa lyakwovoka!

2 Kolinte 6:2 Iomraidhean Croise

Myaso 69:13

Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Luka 18:37

Vamulekele ngwavo, “Yesu wa ku Nazaleta alinakwita.”

Luka 4:19

nakwambulula ngeci simbu inete omo Shukulu Kalunga akapatula vanu vendi.”

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

VaHevelu 3:7

Ngecivene, ngwe mwanendeka Munzinzime Wakujela ngwendi, “Lelo vene nga muziva lijwi lya Njambi,

VaHevelu 4:7

Ngecivene, cinasholoka ngeci Njambi nemika litangwa likwavo, eli vanatumbula ngwavo “Lelo.” Myaka yaingi kunima wendekele a litangwa eli kuli Ndaviti mu visoneka tunalava akamwa, ngwendi, “Lelo vene nga muziva lijwi lya Njambi, kesi mukaluwise vimbunge vyeni.”