2 Kolinte 5:9 - Livulu lya Shukulu Kalunga

⁹ Kutuvakana manene vene, nameme ngoco, tushaka kumuvwaelelesa ikeye, nambe mu njuvo yetu kuno nambe kuje.

2 Kolinte 5:9 Iomraidhean Croise

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 14:8

Nga tuyoya, tulinakuyoyela kuli Mwene, co nga tutsa, tulinakutsila kuli Mwene. Ngecivene, nambe tuyoya nambe tutsa, tunapu vanu va Mwene.

Loma 15:20

Cizango cange simbu yoshe cinapu kwambulula Vin̄anda Vyavivwa mu mitambela ije kanda vazive vya Kilistu, kutewa njikatungila a luvula lwanendi laja munu weka.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

2 Kolinte 5:6

Ngecivene, simbu yoshe tunasimpi manene. Twazivuka ngeci omo tucili mu muvila uno kutwesi mu njuvo ya Mwene embwe.

2 Kolinte 5:8

Tunasimpi manene ngeci tucili nakushaka manene kutunda mu njuvo ya muvila uno, ngeci tukatumbame na Mwene.

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

1 Tesalonika 4:11

Pweni vaka-kuyoya mu kwoloka, akeni mana eni ku vyuma vyeni, nakupanga vyakulikwasa navyo yeni vavenya, ngwe muje twamilekeke laja.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

VaHevelu 4:11

Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.