2 Kolinte 5:16 - Livulu lya Shukulu Kalunga

¹⁶ Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

2 Kolinte 5:16 Iomraidhean Croise

Kulava 10:30

Oloni Hovave wamukumbulwile ngwendi, “Embwe, yange njilinakwiluka ku lifuti lyange lya cisemwa ku vavushoko vwange.”

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Yowano 15:14

Yeni munapu vasamba vange nga mulinga evi njimishika.

Yowano 2:4

Co Yesu wamukumbulwile ngwendi, “Ove munakazi kuwapandele kunjileka vije njinapandele kulinga. Simbu yange kanda yete.”

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Yowano 8:15

Yeni mukasompo vyuma mu ngila ya vunu, yange kunjesi kusompa munu.

2 Kolinte 11:18

Oloni omwo kuvali vavangi vaje vakakulishasha ngoco a vyuma vya vunu, nange lalo njilishasha.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.

Filipu 3:4

Nameme yange nga njinasa kukulaela vyuma vya cifwa cangacije. Nga umo weni aliyongola ngwendi asa kukulaela mu cisemwa ca vunu, yange njahyana manene a ngila eyi.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?