2 Kolinte 5:15 - Livulu lya Shukulu Kalunga

¹⁵ Co watsililile vanu voshe, ngecivene, vaje valinakuyoya kuvapandele kuliyoyela vakevo vavenya embwe, oloni vanapande kuyoyela kuli uje wavatsililile, co vamusangwile omwo yetu.

2 Kolinte 5:15 Iomraidhean Croise

2 Vimyene 5:17

Ngecivene, Namane wendekele ngwendi, “Nga yove shove kutambula vwana vwange, cooni njitave njambate vitele vivali vya livu a vimulu njiye nalyo kwimbo lyange, omwo kutunda ku lelo na kulutwe kunjikakombelela nambe n̄ombelo ya kwenyeka kuli njambi weka kuvanga kuli Shukulu Kalunga lika.

Ezekiyele 16:6

“Asinoni omo njetile kuyehi nove, njakumwene ulivulunga mu maninga ove, walivulungile mu maninga, oloni njakuyoyesele.

Ezekiyele 37:14

Yange njikaka muku wange muli vakevo, co vakayoya nakukala mu lifuti lyavo vene. Asinoni vakazivuka ngeci yange njapwa Kalunga. Yange njakulaesa ngwange njikalinga vyuma evi, co njikalingamo vene. Munjinendeka yange Kalunga.”

Ezekiyele 37:9

Njambi wendekele kuli yange ngwendi, “Muna munu, ambulula vuka-kwimanena ku lihunzi. Leka lihunzi ngwove, Shukulu Kalunga wa Akamwa ya Vyoshe nashiki lihunzi litunde ku mitambela yoshe iwana, ngeci lishokwele muku mu mivila eyi ya kutsa, ngeci ikale na mwonyo.”

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Zakaliya 10:9

Nameme njavashandwela akati ka miyati ya vanu, oloni ku mitambela yakulyala kuje vali vakanjanuka. Vakevo na vana vavo vakayoya, co vakeluka mumolika kwimbo.

Luka 1:74

Wakulaesele kutupatula ku mavoko a vitozi vetu, ngeci tumupangele kujeneka lyova,

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 4:25

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Loma 6:2

Embwe kesi ngoco! Tunatsi ku vuvi, co vatijo twasa kuyoyelamo?

Loma 6:6

Co twazivuka ngwetu vunu vwetu vwalaja vavushukikile amo na Kilistu a cilindakano, ngeci muvila wa vuvi vaunyongese, ngeci kesi tupwe lalo tu vindungo va vuvi.

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

Loma 8:6

Nga cizango ca vusitu cikutwamenena, co fweto yaco kutsa, oloni nga cizango ca Munzinzime cikutwamenena, co fweto yaco inapu mwonyo na kwoloka.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Ngalatiya 5:25

Munzinzime natwana mwonyo, co napande lalo kunyunga myonyo yetu.

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

Kolose 3:1

Nga munanguka amo na Kilistu, ngecivene, shakezekeni vyuma vije vili mwilu, kuje Kilistu natumbama a litanda lyendi ku livoko lya cilyo lya Njambi.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

Kolose 3:23

Vyoshe mupanga, vipangeni na mbunge yeni yoshe, ngwe mulinakuvipangela Mwene, kesi vanu.

1 Tesalonika 5:10

uje watutsililile ngeci tukayoye amolika nendi, nambe tuyoya nambe tutsa omo akaija.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

1 Petulu 4:6

Eci cikeco cuma vambulwilile Vin̄anda Vyavivwa kuli vatsi, kuli vaje vavasompele mukuyoya kwavo kwa muvila ngwe muje muvakasompo vanu voshe, vavambulwililevyo ngeci mukuyoya kwavo kwa minzinzime vayoye ngwe muje mwashaka Njambi.

1 Yowano 4:9

Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.