2 Kolinte 5:13 - Livulu lya Shukulu Kalunga

¹³ Kuma mwa vushunga vene yetu tunazaluka ndi? Eci cili kuli Njambi. Nambe nga kutwazalukile, eci cili kukushaka kweni.

2 Kolinte 5:13 Iomraidhean Croise

Njelemiya 29:26

“Shukulu Kalunga wakupwisile muka-kukombelela kukwingisa mu mwela wa Yehoyanda, co ololo unapu u mwata wakama mu Njuvo ya Shukulu Kalunga. Cinapu cipangi cove kumona ngeci munu woshe wakuzaluka, uje alikwisa kupwa muka-kwimanena, unapande kumukuta malyenge nakumuzengeleka cikuvo ku mukoshi wendi.

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

2 Kolinte 11:1

Nga mwasa kunjitolilila, nambe omo njilinga ngwe nji cilema kamandondo. Mukemwo vene njitolilileni!

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 12:6

Nga njashakele kulyalesa, ngwe kunjalipwisile nji cikolokomba, omwo nga njinendeka vushunga. Oloni kunjilyalesa, omwo kunjishaka umo ayongole vyakama ali yange kutuvakana omo nanjimono njipanga nakunjiziva omo njendeka.

2 Kolinte 7:12

Ngecivene, nambe njasonekele uje mukanda, njalingilemo vene kesi ngwe omwo uje walingile mwamuvi nambe uje uvaviisilile embwe. Oloni njasonekele ngeci cimilumbunuke mwamuvwa ku mesho a Njambi, ngeci kulikundike kweni kuli yeni kunapu kwakama manene.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.