2 Kolinte 5:11 - Livulu lya Shukulu Kalunga

¹¹ Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Kolinte 5:11 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

Yombi 18:11

“Vyakujujwisa vikamuzengeleka nakumuzivisa lyova, co vikamukava mu manambo endi oshe.

Yombi 31:23

Omwo yange njitewa cihiso ca Njambi, co kunjasa kulinga cuma ca cifwa cangacije.

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 73:19

Vakaziva lyova lyakama, vakavanyongesa voshe njwa naumo wai akasalao.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Myaso 90:11

Iyajo azivuka nzili ya vukalu vwove? Vukalu vwove vwapwa vwakama, ngwe lyova lije tukakuzivila.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Luka 16:31

Oloni Avilahama wendekele ngwendi, ‘Nga kuvatolilila kuli Mosesa na kuli vaka-kwimanena, kuvasa kutolilila nambe nga umo asanguka ku vatsi.’ ”

Vilinga vya Miluwa 13:43

Omo vanu vatundile kuje ku sinangonge, vaYunda vavangi na vaje kesi vaYunda vavangi vaje vapwile va kulongwa ku futisi ya vaYunda vakavele Paulu na Mbanambase. Vaje miluwa vendekele kuli vakevo nakuvatakamesa kukakateya akuyoyela mu kutetela kwa Njambi.

Vilinga vya Miluwa 18:13

Vendekele ngwavo, “Munalume ou alinakusindiya vanu kulemesa Njambi mu ngila yakulwisa lishiko!”

Vilinga vya Miluwa 18:4

Paulu wakele nakusimutwiya mu masinangonge a Litangwa Lyakuhwima lyoshe mukweseka kukoka vaYunda na vaNgiliki.

Vilinga vya Miluwa 19:26

Co ololo munamono nakulizivila yeni vavenya evi vyalinakulinga ou mukwetu Paulu. Alinakwendeka ngwendi vinjambi vakupanga ku vanu kesi vinjambi embwe, co nahyana mukukokweya vanu vavangi, kesi munolika mu Efeso embwe oloni na mu lifuti lyoshe lya Asiya.

Vilinga vya Miluwa 26:26

Omwo Mwene uzivukz vyuma vyoshe evi, co njendeka kuli yove nakusimpa. Njazivuka mwa vushunga ngwange unatambula vyuma evi cimo na cimo, omwo vyuma evi kuvyalingiwilile mu vushweke embwe.

Vilinga vya Miluwa 28:23

Ngecivene, vemikile litangwa lyakuliwana na Paulu, co a litangwa lije mbunga yakama vezile kuje kwakele Paulu. Kutunda ku mutondo kweta ku cingwezi wavalumbunwinine muzimbu wendi wa Vumwene vwa Njambi, co wesekele kuvalumbunwina vukaleo vwa Yesu akuvaleka majwi a mu Lishiko lya Mosesa na majwi a mu visoneka vya vaka-kwimanena.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Efeso 5:21

Lyononokeni umo na mukwavo mukusingimika Kilistu.

VaHevelu 10:31

Cinapu cuma cakujajesa kuwila mu mavoko a Njambi wakuyoya!

VaHevelu 12:29

omwo Njambi yetu mwa vushunga wapwa tuhya twakunyongesa.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.