2 Kolinte 4:15 - Livulu lya Shukulu Kalunga

¹⁵ Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 4:15 Iomraidhean Croise

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 9:19

Omwo nameme njinapu munu wakupatuka, kunjapwile nji ndungo ya munu naumo wai, oloni njalipwisa yange vavenya ndungo ya voshe ngeci njiwane vanu vavangi nga citava.

2 Kolinte 1:11

ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.

2 Kolinte 8:19

Co lalo vanamwangula nakumwimika mu vikungulukilo ngeci ende amo netu ngwe omo tulinakutwala vipangi evi vya cizemo omwo vumpau vwa Mwene nakumwesa ngeci tushaka kukwasa.

Ngalatiya 1:24

Co vashangazalele Njambi omwo yange.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.