2 Kolinte 4:14 - Livulu lya Shukulu Kalunga

¹⁴ Omwo twazivuka ngeci Njambi uje wasangwile Mwene Yesu ku vatsi, ikeye akatusangula lalo amo na Yesu nakutusholola amo neni, ku mesho endi.

2 Kolinte 4:14 Iomraidhean Croise

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Vilinga vya Miluwa 2:24

Oloni Njambi wamusangwile ku vatsi, wamupatwile ku nzili ya kutsa, omwo kucatavele ngeci kutsa cimupwise cinzinda.

Vilinga vya Miluwa 2:32

Njambi nasangula ou Yesu ku vatsi, ngeci yetu voshe tunapu vakaleo va vyuma evi.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

1 Kolinte 6:14

Njambi wasangwile Mwene ku vatsi, co ikeye lalo akatusangula na nzili yendi.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 1:28

Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

1 Tesalonika 4:14

Omwo tunakulaela ngwetu Yesu watsile, co wasangukile lalo, co tunakulaela ngwetu Njambi akanena amo na Yesu vaje vatsile mukukulaela kuli ikeye.

Yakomba 5:15

Co kulomba oku mukukulaela kukovola uje muka-kuvinja, co Mwene akamukangwisa, nga ikeye nalingi vuvi, co vakamusambesa.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,