2 Kolinte 3:7 - Livulu lya Shukulu Kalunga

⁷ Lishiko valitalekele a vitale vya mamanya, co vumpau vwa Njambi vwasholokele omo vavwanene. Nameme cihanga ca Mosesa cakuvyazima catsitsivalele, oloni cakele na nzili manene nambe vanu va Isalele kuvasele kukenga ku mesho endi. Nga Lishiko lije linena kutsa omo lili na nzili lyezile na vumpau vwakufwa ngacije,

2 Kolinte 3:7 Iomraidhean Croise

Kushangumuka 3:21

Ngecivene, Shukulu Kalunga Njambi watongelele Andama na munakazi wendi vuzalo vwa vilambu vya tusitu, co wavazikilevwo.

Nehemiya 9:13

Ku munkinda wa Sinai washulukile kutunda mwilu, wendekele kuli vanu vove, nakuvana mashiko amavwa, na vilongesa vyavivwa.

Myaso 119:174

Njikuvandamena ngeci unjamene Shukulu Kalunga, mashiko ove anjivwaelelesa.

Myaso 119:97

Yange njazema manene mashiko ove! Co njikawayongola litangwa lyoshe.

Kutuuka 24:12

Co Shukulu Kalunga wendekele kuli Mosesa ngwendi, “Lamata a munkinda wije kuno kuli yange, co simbu yove ucili kuno, njikakwana vitale vivali vije vili na mashiko na vilongesa vije vinjasonekele ngeci ukavalongesevyo.”

Kutuuka 31:18

Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.

Kutuuka 32:19

Omo Mosesa washwenyele kuyehi na cilombo wamwene muna ngombe wa nkomba, co lalo wamwene vanu valinakukina, co waluvalele manene-nene. Ngeci wombilile asi vije vitale wambatele mu mavoko endi, kwisi ya munkinda, co vyatavozokele.

Kutuuka 34:1

Shukulu Kalunga wendekele kuli Mosesa ngwendi, “Lamuna vitale vya mamanya vivali ngwe vije vyakulivanga, ngeci njitalekeo majwi ngwe aje akeleo akulivanga, aje akele a vitale vije viwapokwele.

Vilinga vya Miluwa 6:15

Co voshe vatumbamene muje mu Munga mesho avo akengele ali Setefano, co vamwene ngeci cihanga cendi casholokele ngwe ca kangelo.

Loma 10:4

Omwo Kilistu namanesa Lishiko, ngeci munu woshe uje akulaela vamupwise muka-vushunga ku mesho a Njambi.

Loma 4:15

Omwo lishiko linena vukalu vwa Njambi, oloni nga kukwesi lishiko, co kukwesi kujeneka kwononoka lishiko.

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 7:10

co njatsile. Co kushika kuje kwapandele kunena mwonyo, kwanenele kutsa kuli yange.

Loma 7:22

Omwo njivwaelela mu Lishiko lya Njambi mukati ka muvila wange.

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

1 Kolinte 13:10

oloni omo vije vyakulumbunuka vikaija, asinoni vije vya kasimbu lika vikahwa.

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 3:8

kuma vumpau vwa Munzinzime kuvwapwile vwakama manene ndi?

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Ngalatiya 3:21

Kuma eci cinalumbunuka ngeci Majwi a Lishiko alinakulwisa cikulaeso ca Njambi ndi? Embwe, kesi ngoco! Omwo nga vanu vatambwile majwi a lishiko aje asa kunena kuyoya, co munu woshe asa kupwa muka-vushunga ku mesho a Njambi akuwononoka.

Kwituluka mu Mashiko 4:13

Ikeye wamilekele vije mwapande kulinga mukunyunga cikumiiyo cije mwalikumiiye nendi, cakunyunga Mashiko Likumi, aje ikeye waasonekele a vitale vivali vya mamanya.

Kwituluka mu Mashiko 4:8

Kukwesi muyati weka wakama lalo nambe wakufwa vati, uje uli na mashiko akushungama ngwe awa njamilongesa ku litangwa lya lelo.

Kwituluka mu Mashiko 5:22

“Awa akewo mashiko aje Shukulu Kalunga waanene kuli yeni voshe omo mwalikungulwile kuje ku munkinda, omo ikeye wendekele na lijwi lya nzili oku ali mukati ka tuhya mu lishelwa lije lyakuzivala. Co Shukulu Kalunga wamyanene mashiko awa. Kukwesi eka lalo awezeleleleko ayi. Co waasonekele a vitale vivali vya mamanya nakuvyana kuli yange.

Kwituluka mu Mashiko 9:15

Ngecivene, njatengulukile nakushelumuka kutunda a munkinda, oku munkinda ulinakwenya. Co njambatele vije vitale vivali aje asonekele cikumiiyo.

VaHevelu 12:18

Yeni kumwezile ngwe vanu vaIsalele vezile ku vije mwasa kukwata ku Munkinda wa Sinai uje washukumine na tuhya nakuzivala vwii na lisusulungu na lihunzi lyakama,

VaHevelu 3:3

Muka-kutunga njuvo vamusingimika manene kutuvakana njuvo. Mu cifwa eci vene, Yesu nahyana kasingimiko kutuvakana Mosesa.

VaHevelu 9:4

Mukati kayo mwakele mutula wa ngolinde wakwenyekela insense na Cikasa ca Cikumiiyo, vyoshe vyakufwika na ngolinde, co muje mwakele njava ya ngolinde na Maana na mulamu wa Alone uje wamenene maputa, co na vitale vivali vya mamanya aje vasonekele majwi a lishiko.