2 Kolinte 3:3 - Livulu lya Shukulu Kalunga

³ Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Kolinte 3:3 Iomraidhean Croise

Myaso 40:8

Njambi yange njizema kulinga cizango cove, njikanyunga vilongesa vyove mu mbunge yange.”

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Kutuuka 24:12

Co Shukulu Kalunga wendekele kuli Mosesa ngwendi, “Lamata a munkinda wije kuno kuli yange, co simbu yove ucili kuno, njikakwana vitale vivali vije vili na mashiko na vilongesa vije vinjasonekele ngeci ukavalongesevyo.”

Kutuuka 31:18

Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.

Kutuuka 32:15

Co Mosesa washelumukile ku munkinda, oku nambata vitale vivali vya vukaleo vya mamanya aje vasonekeleo mashiko ku mitambela yoshe noku-noku.

Kutuuka 34:1

Shukulu Kalunga wendekele kuli Mosesa ngwendi, “Lamuna vitale vya mamanya vivali ngwe vije vyakulivanga, ngeci njitalekeo majwi ngwe aje akeleo akulivanga, aje akele a vitale vije viwapokwele.

Visimo 3:3

Kesi wivale cizemo na kulongwa. Vikutiiye mu mukoshi wove, visoneke mu mbunge yove.

Visimo 7:3

Nyunga vilongesa vyange simbu yoshe, co visoneke mu mbunge yove.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 17:1

Shukulu Kalunga alinakwendeka ngwendi, “Vanu va mu Yunda vuvi vweni vanavusoneka na mufwitilo wa cikuvo, vanavusoneka mu vimbunge vyeni na shongo ya ndaimani, co vavucakeya a vimbango vya mitula yeni.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 3:7

Lishiko valitalekele a vitale vya mamanya, co vumpau vwa Njambi vwasholokele omo vavwanene. Nameme cihanga ca Mosesa cakuvyazima catsitsivalele, oloni cakele na nzili manene nambe vanu va Isalele kuvasele kukenga ku mesho endi. Nga Lishiko lije linena kutsa omo lili na nzili lyezile na vumpau vwakufwa ngacije,

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

VaHevelu 10:16

“Eci cikeco cikumiiyo cinjikalinga amo navo ku matangwa a kulutwe. Njikaka mashiko ange mu vimbunge vyavo nakuwasoneka mu viyongola vyavo.”

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

Kujombolola 2:1

Kuli kangelo wa ku cikungulukilo ca mu Efeso soneka ngwove, “Eli likelyo lijwi lyatundu kuli uje nakwata vingongonosi vitanu na vivali mu livoko lyendi lya cilyo, uje alinakwendangana akati ka vitumbikilo vya vindeya vya ngolinde vitanu na vivali.

Kujombolola 2:12

“Kuli kangelo wa ku cikungulukilo ca mu Pelengamu soneka ngwove, “Eli likelyo lijwi lyatundu kuli uje ali na moko ya mukwale ya vuvela kuvali.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 3:22

“Nga uli na matwi, tolilila vije vyalinakwendeka Munzinzime ku vikungulukilo!”

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”