2 Kolinte 3:2 - Livulu lya Shukulu Kalunga

² Yeni vene munapu mikanda tulinayo, ije vanasoneka mu vimbunge vyetu kuli munu na munu kuyizivuka nakuyilava.

2 Kolinte 3:2 Iomraidhean Croise

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

1 Kolinte 3:10

Akupangesa vwana vuje vwanjanene Njambi, njalingile vipangi vya muka-kutunga wa vutongwe nakujala luvula, co munu weka lalo alinakutungilao. Oloni munu na munu napande kunyanyama omo alinakutungila a luvula luje.

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 12:15

Njikavwaelela manene nakwana vije vyoshe njilinavyo, amo nange vavenya vene, mukumikwasa. Kuma yeni Kuma mwanjizema kamandondo, omwo yange njamizema manene ndi?

2 Kolinte 3:1

Kuma eci calumbunuka ngwe twalishashele lalo yetu vavenya ndi? Kuma cinapande, yetu ngwe vanu veka, kukala na mikanda ya vukaleo vwetu kuli yeni nambe yakutunda kuli yeni ndi?

2 Kolinte 7:3

Kunjasa kwendeka ngwe kumhisa embwe, oloni ngwe omo njendekele akulivanga ngwange yeni munapu vasamba amo netu ngeci mwa vushunga vene tuli amo neni simbu yoshe, nambe tuyoya nambe tutsa.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

1 Tesalonika 1:8

Omwo kesi lika ngwe lijwi lya Mwene lyatundile kuli yeni mu Masendoniya na mu Akaya embwe, oloni lutsimo lwa kukulaela kweni kuli Njambi lunashandokela kwoshe-ikwoshe. Ngecivene, nacimo cai citwasa kwendeka.