2 Kolinte 3:16 - Livulu lya Shukulu Kalunga

¹⁶ Oloni vasa kulitundisa, ngwe muje muvyendeka visoneka ali Mosesa ngwavyo, “Lije lilesu lya Mosesa valitundisile, omo watengulukilile kuli Mwene.”

2 Kolinte 3:16 Iomraidhean Croise

Kutuuka 34:34

Oloni omo Mosesa wakovelele mu Mbalaka Mwakuliwanena nakwendeka na Shukulu Kalunga, watundisile lilesu ku mesho endi. Omo watuukilemo, walekele vanu va Isalele vyuma vyoshe vije vyamushikile Shukulu Kalunga kuvyendeka,

Isaya 25:7

A munkinda ou, Shukulu Kalunga akatundisa nanga ya vusiwa ije yafwikile miyati yoshe ya ano a kaye.

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 54:13

“Yange vene njikalongesa vanu vove, nakuvavezikisa na kwoloka.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Mbimbi 3:40

Twiluleni vingila vyetu yetu vavenya nakwiluka kuli Shukulu Kalunga.

Loma 11:23

Nga vaYunda vakashangumuka kukulaela lalo, co vakavelwisila lalo mu mutambela muje muvakele, omwo Njambi asa kulinga ngacije lalo.

2 Kolinte 3:15

Nameme lelo vene, omo valava Lishiko lya Mosesa, co lije lilesu licili nakufwika mana avo.

Kwituluka mu Mashiko 30:10

Oloni mukamwononoke nakunyunga mashiko endi na vizilika vyendi vyasonekele mu livulu eli lya mashiko. Munapande kutengulukila kuli Shukulu Kalunga Njambi yeni na vimbunge vyeni vyoshe.

Kwituluka mu Mashiko 4:30

Omo mukamona tuyando na vyoshe vije vikasholoka kuli yeni, asinoni akukotoka mukatengulukila kuli Shukulu Kalunga Njambi yeni nakumwononoka.