2 Kolinte 3:14 - Livulu lya Shukulu Kalunga

¹⁴ Mwa vushunga vene mana avo vawashokele nakweta ku litangwa lya lelo mana avo anga vanawafwiki na lilesu lya cifwa cije vene ngwe omo valava mavulu a cikumiiyo calaja. Lilesu eli valitundisa kuvanga omo munu ali muli Kilistu.

2 Kolinte 3:14 Iomraidhean Croise

Myaso 69:23

Tsitsivalesa mesho avo ngeci kesi vamone, co simbu yoshe vende oku vapelyangela!

Isaya 25:7

A munkinda ou, Shukulu Kalunga akatundisa nanga ya vusiwa ije yafwikile miyati yoshe ya ano a kaye.

Isaya 44:18

Vanu va cifwa cangacije vapwa vilema manene, kuvazivuka vije valinakulinga. Vanashoko mesho avo na viyongola vyavo ku vyuma vya vushunga.

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Isaya 59:10

tulinakwenda nakupapateya ngwe tupuputwa. Tutanozoka mutanya mwelu, ngwe vutsiki, ngwe tuli mu lisusulungu lya vukalo vwa vatsi.

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 6:23

Oloni nga mesho ove anapu akutsitsivala, muvila wove woshe uli mu lisusulungu. Ngecivene, nga ceke cili muli yove citenguluka kupwa lisusulungu, co lisusulungu muli yove likapwa lyakukomokesa manene.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Vilinga vya Miluwa 13:15

Omo valavele Lishiko lya Mosesa na visoneka vya vaka-kwimanena, co vakulunu va sinangonge vatumine lijwi kuli vakevo ngwavo, “Vandolome, tumishaka ngeci mwendeke kuli vanu nga muli na lijwi lyakuvatakamesa.”

Vilinga vya Miluwa 15:21

Omwo Lishiko lya Mosesa vanalilava simbu yakama mu masinangonge a Litangwa na Litangwa Lyakuhwima lyoshe, co majwi endi valinakuwambulula mu vinganda vyoshe.”

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

2 Kolinte 3:15

Nameme lelo vene, omo valava Lishiko lya Mosesa, co lije lilesu licili nakufwika mana avo.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Efeso 4:18

co mana avo ali mu lisusulungu. Vakevo kuvesi na mutambela mu mwonyo uje wakana Njambi, omwo vakevo vali ku nzimba na mukukaluwa kwa vimbunge vyavo.