2 Kolinte 2:3 - Livulu lya Shukulu Kalunga

³ Eci cikeco cuma njasonekelele mukanda uje, kunjashakele kwija lalo kuli yeni nakuzivisa vusiwa vanu vaje vanapandele kunjivwaelelesa. Omwo njinakulaela ngwange kuvwaelela kwange, kunapu kuvwaelela kweni muvavoshe.

2 Kolinte 2:3 Iomraidhean Croise

1 Kolinte 4:21

Vikajo mushaka? Mushaka njiije kuli yeni na likote, indi na mbunge ya cizemo na kulikeesa?

2 Kolinte 1:15

Omwo njazivukile vyuma evi, akulivanga njakele na vutumbe vwakwija kuli yeni ngeci vakumivezikise lalo.

2 Kolinte 1:23

Njitumbula Njambi kupwa mukaleo wange, azivuka mbunge yange! Mu ngila yakumitetela njayongwele ngeci kesi njiye ku Kolinte.

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.

2 Kolinte 2:9

Njamisonekelele uje mukanda, omwo njashakele kumyeseka ngeci njizivuke vati nga mulinakwononoka ku lijwi lyange.

2 Kolinte 7:12

Ngecivene, nambe njasonekele uje mukanda, njalingilemo vene kesi ngwe omwo uje walingile mwamuvi nambe uje uvaviisilile embwe. Oloni njasonekele ngeci cimilumbunuke mwamuvwa ku mesho a Njambi, ngeci kulikundike kweni kuli yeni kunapu kwakama manene.

2 Kolinte 7:16

Njivwaelela omo njasa kumikulaela mwa vushunga vene!

2 Kolinte 7:6

Oloni Njambi, uje muka-kutakamesa vaka-kuzeya, watutakamesele akwija kwa Tito.

2 Kolinte 7:8

Nambe njamizivisile vusiwa mu mukanda wange, yange kunjiliveye nga kunjamisonekelelewo, omwo njamono ngeci uje mukanda wamizivisile vusiwa, oloni kasimbu kakandondo lika.

2 Kolinte 8:22

Ngecivene, tulinakutuma ndolome yetu amo navo, omwo tunamweseka visimbu vyavingi, co tunawana ngeci wapwa muka-lukakateya mukukwasa. Co omwo namikulaela, ali na lukakateya manene lwakumikwasa.

Ngalatiya 5:10

Oloni yange anga njicili na lukakateya ali yeni. Mwonyo wetu muli Mwene ulinakunjilingisa lukakateya ngeci kumukakala na viyongola vyeka, co uje munu alinakumitanganesa, nambe wapwa iya, Njambi akamunyanyamesa.

2 Tesalonika 3:4

Co Mwene natwana kukulaela muli yeni, mwa vushunga vene tunakulaela ngwetu mulinakupanga, co mutwalao kupanga vije vitwamilekele.

Filimoni 1:21

Njinakulaela, omo njilinakusoneka evi, ngwange ukalinga vyavingi kutuvakana evi njinakulombo.