2 Kolinte 2:15 - Livulu lya Shukulu Kalunga

¹⁵ Omwo tunapu ngwe lwengo lwaluvwa lwa insense kuli Njambi luje lulinakuya kuli vaje vanovoka na kuli vaje vaka-kunyonga.

2 Kolinte 2:15 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:25

Asinoni vitambule kuli vakevo nakuvyenyekela a mutula, akamwa ya milambu ya kwenyeka, kupwa mulambu wa vyakulya kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Myaso ya Solomoni 1:3

Mazi ove akuvwava anika lwengo lwaluvwa, lizina lyove linapu ngwe mazi akunika lwengo lwaluvwa. Mukemwo vambanda vakuzema.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

1 Kolinte 1:18

Omwo lijwi lya kutsa kwa Kilistu a cilindakano linapu lyangoco kuli vaka-kuzimbala, oloni kuli yetu vaka-kwovoka linapu nzili ya Njambi.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

2 Tesalonika 2:10

co akapangesa miyati yoshe ya kupenga-penga ya makuli ali vaje vakanyonga. Vakevo vakanyonga omwo kuvatambwile nakuzema vushunga ngeci vovoke.