2 Kolinte 2:14 - Livulu lya Shukulu Kalunga

¹⁴ Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

2 Kolinte 2:14 Iomraidhean Croise

Myaso 106:47

Shukulu Kalunga Njambi yetu twamene, tutundise akati ka miyati ya vanu, ngeci tukandelele nakushangazala lizina lyove.

Myaso 148:14

Wakolesele muyati wendi na nzili, ngeci vanu vendi voshe vamushangazale, vanu vendi va Isalele, vaje vazema manene! Shangazaleni Shukulu Kalunga!

Myaso ya Solomoni 1:3

Mazi ove akuvwava anika lwengo lwaluvwa, lizina lyove linapu ngwe mazi akunika lwengo lwaluvwa. Mukemwo vambanda vakuzema.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 15:37

Co cije ukakunu mu livu cikeco mbuto yangoco, amo nona ya tiliku, nambe ya muyati weka, kesi ngwe unakunu muvila woshe wa mbuto uje utuuka mu livu.

1 Kolinte 15:57

Oloni kukandelela kuli Njambi uje alinakutwana kuhyana ali Mwene yetu Yesu Kilistu!

2 Kolinte 1:11

ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.

2 Kolinte 8:16

Twakandelela kuli Njambi omwo natakamesa Tito na vakwavo ngwe mwatakamesele yetu lalo kumikwasa.

2 Kolinte 9:15

Tukandeleleni kuli Njambi omwo vwana vwendi vuje kutwasa kulumbununa.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:20

Simbu yoshe kandeleleni kuli Njambi Tatetu mu vyuma vyoshe mu lizina lya Mwene yetu Yesu Kilistu.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

Kolose 2:15

Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika, walingile eci mutanya mwelu kuli vakevo akuvatwamenena ngwe vinzinda mukuhyana kwendi.

1 Tesalonika 1:8

Omwo kesi lika ngwe lijwi lya Mwene lyatundile kuli yeni mu Masendoniya na mu Akaya embwe, oloni lutsimo lwa kukulaela kweni kuli Njambi lunashandokela kwoshe-ikwoshe. Ngecivene, nacimo cai citwasa kwendeka.

1 Tesalonika 3:9

Ololo twasa kukandelela kuli Njambi omwo yeni. Tulinakumukandelela akujolela kuje tulinakwo ku mesho endi omwo yeni.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Kujombolola 7:12

vendekele ngwavo, “Ewa! Kushangazala na vumpau na mana nakukandelela na kasingimiko na nzili na vukama vyapwa vya Njambi yetu ku myaka yoshe! Ewa!”