2 Kolinte 2:12 - Livulu lya Shukulu Kalunga

¹² Omo njetele mu Tolowasi nakwambulula lijwi lya Kilistu, njawanene Mwene nanjishokolwela cikolo a vipangi vyendi kuje.

2 Kolinte 2:12 Iomraidhean Croise

Vilinga vya Miluwa 14:27

Omo vetele mu Antyoke vakungulwile amo vanu vaka-cikungulukilo nakuvaleka vyuma vyoshe vije vyalingile Njambi navo na muje Njambi mwashokolwele ngila kuli vaje kesi vaYunda ngeci vakulaele.

Vilinga vya Miluwa 16:11

Twatundile ku Tolowase twajavukile mu vwato vwakama, musambwa, co ku Samotalase, co alikaki twaile ku Neyapolise.

Vilinga vya Miluwa 16:8

Ngecivene, vetile mukati ka Misiya nakuya ku Tolowase.

Vilinga vya Miluwa 20:8

Co mu mulili wa akamwa ya njuvo muje valingilile cikungulukilo mwakele vindeya vyavingi.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

1 Kolinte 16:9

Omwo vananjishokolwela mbelo yakupanga vipangi vyavivwa, nambe kuli vitozi vavangi.

1 Kolinte 9:12

Nga veka vali na moko yakutambula eci kuli yeni, kuma yetu kutwesi na moko yakutuvakana ndi? Oloni kutwapangesele moko yetu. Oloni tunalitakamesa mu vyuma vyoshe kutewa twaka citanukiso mu ngila ya vipangi vya Vin̄anda Vyavivwa vya ali Kilistu.

1 Kolinte 9:14

Mu ngila eyi vene, Mwene nashiki ngeci vaje valinakwambulula muzimbu wauvwa vanapande kuwana vyakuyoya kwavo kutunda kukwambulula muzimbu wauvwa.

1 Kolinte 9:16

Omwo kunjesi na moko yakulishasha omwo akwambulula muzimbu wauvwa. A vyoshe evi, njili mwisi ya mashiko akulinga ngacije. Ngongo yange nga kunjambulula muzimbu wauvwa!

2 Kolinte 10:14

Omwo yeni mwakundama ku vipangi vije, co kutwasele lalo kuvijomboka omo twakele nakwija kuli yeni nakunena Vin̄anda Vyavivwa vya Kilistu.

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 11:7

Kunjasele kumifwetesa cuma cimo omo njambulwile Vin̄anda Vyavivwa vya Njambi kuli yeni, njalikeesele mukulingisa yeni kupwa vakama. Kuma njaviisile ndi?

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

2 Kolinte 8:18

Tulinakutuma amo nendi ndolome yetu ivanasingimika mu vikungulukilo vyoshe mu vipangi vyendi vyakwambulula lijwi.

2 Kolinte 9:13

Co omwo vukaleo vuje vwa vipangi vyeni vunasholoka, vavangi vakana vumpau kuli Njambi omwo kulongwa kweni ku muzimbu wauvwa wa Kilistu, uje umunatava, na vungulu vweni mukulipangela navo na voshe veka lalo.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,