2 Kolinte 13:5 - Livulu lya Shukulu Kalunga

⁵ Lyesekeni yeni vavenya nakuliilula nga munapu vaka-kukulaela. Kuma mwa vushunga mwazivuka ngeci Kilistu Yesu ali muli yeni ndi? Nga kesi ngacije, co munonwa vene.

2 Kolinte 13:5 Iomraidhean Croise

Myaso 119:59

Njayongola yoyesi yange, co njikulaesa kunyunga mashiko ove.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 26:2

Njiilule nakunjeseka yove Shukulu Kalunga. Eseka mbunge yange na viyongola vyange.

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Mbimbi 3:40

Twiluleni vingila vyetu yetu vavenya nakwiluka kuli Shukulu Kalunga.

Ezekiyele 18:28

Ananguka vije vyalinakulinga, co alikela kulinga vuvi, mwa vushunga kakatsi embwe, oloni akatwalao kuyoya.

Hangai 1:5

Kumwesi nakumona vije vilinakulingiwa ali yeni?

Hangai 1:7

Kuma yeni kumwesi nakumona ngeci omwo vikajo vyuma evi vilinakulingiwa?

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 15:4

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Yowano 17:23

yange muli vakevo nove muli yange, ngeci vapwe vamutunu, ngeci vaka-kaye vazivuke ngwavo kuma yove wanjitumine, co uvazema ngwe omo wanjizema.

Yowano 17:26

Njasholwele lizina lyove kuli vakevo, co anga njikalisholola, ngeci cizemo cije wanjizema naco cikale muli vakevo, co nange njikale muli vakevo.”

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Yowano 6:6

(Wendekele evi mukweseka Filipu, omo wazivukile vije vyalinga.)

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

1 Kolinte 11:28

Ngecivene, munu na munu aliilule ikeye vavenya akulivanga, asinoni alye likende nakunwa ku nganja.

1 Kolinte 11:31

Oloni nga tuliilula yetu vavenya akulivanga, co Njambi kakatuhisa.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

1 Kolinte 6:19

Indi kumuzivuka ngweni mivila yeni yapwa njuvo ya Munzinzime Wakujela uje wakala muli yeni, uje wamyanene Njambi ndi? Co kumwakundamene kuli yeni vavenya, oloni munakundama kuli Njambi,

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?

1 Kolinte 9:24

Mwa vushunga mwazivuka ngweni mu vweho vwa vaka-kushatuka, vaka-kushatuka voshe vashatuka amo, oloni umolika wavo ikeye atambula fweto. Ngecivene, shatukeni, mu ngila eyi vene ngeci mutambule fweto.

1 Kolinte 9:27

Oloni Njilinakukolesa muvila wange na vin̄ombe nakuwononwesa, kutewa omo njinasana veka ku vweho, co yange vakanjivyane.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Ngalatiya 6:4

Co umo na umo asompe futisi yendi vavenya. Nga ikeyo inapu yaivwa, asinoni alyalese a vije vyanalingi, kujeneka kuviseteka na vije vyanalingi munu weka.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 2:19

co vanalikela kukakateya kuli Kilistu, uje napu mutwe wa muvila. Ali Kilistu muvila woshe vanaulisa nakuukwatesa amolika omwo a manunga na mishisha, co ulinakukola ngwe muje Njambi ashaka ngeci ukolelemo.

Kolose 2:7

Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.

1 Timateo 2:15

Oloni munakazi vakamwamena akukita vana, nga akakateya mukukulaela na mu cizemo na mukujela na kasingimiko.

2 Timateo 3:8

Ngwe Njane na Njambele valwisile Mosesa, ngecivene, na vanu ava lalo valinakulwisa vushunga, vanu vaje mana avo kuwesi nakupanga, co vanapu vaka-kwonwa mukukulaela.

Tito 1:13

Vije vyendekele vyapwile vya vushunga. Ngecivene, vendekele na majwi akuvambuka ngwe moko, ngeci vakele nakukulaela kwamutunu,

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 2:2

Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

VaHevelu 4:1

Ololo, Njambi natusezela cikulaeso ngeci tukakovele mukuhwima kuje kwendekele. Ngecivene, nyanyameni kutewa akati keni akakala umo kakakovela mukuhwima kuje kwanatukulaesa.

VaHevelu 6:8

Oloni nga kulinakwima mishwena na shaku, co kulyesi na seo yai, lili mu vushonde vyakusingiwa kuli Njambi, co vakalyenyeka na tuhya.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Petulu 5:9

Imaneni mbe mukukulaela kweni, co muvyaneni, omwo mwazivuka ngweni vaka-kukulaela veka mu kaye mwoshe valinakuyanda tuyando twa muyati ou vene.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.