2 Kolinte 12:9 - Livulu lya Shukulu Kalunga

⁹ Co ikeye wanjikumbulwile ngwendi, “Kutetela kwange kunapumo ku vyoshe, omwo nzili yange yapwa yakukomokesa omo unazeye.” Ngecivene, njilinakuvwaelela manene a vyuma vyakuzeya vyoshe-ivyoshe nakujolela akunyunga kwa Kilistu na nzili eyi ili ali yange.

2 Kolinte 12:9 Iomraidhean Croise

2 Vimyene 2:15

Vaka-kwimanena makumi atanu vatundile ku Yeliko vamwene vije vyalingiwile, vendekele ngwavo, “Nzili ya Elinja ili ali Elisha!” Co vaile nakuliwana nendi, vatsikamene ku mesho endi nakumulemesa,

Myaso 8:2

vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

Isaya 11:2

Munzinzime wa Shukulu Kalunga ukamwana mana, nakuzivuka na kulongwa mukushwana vanu vendi. Ikeye akazivuka cizango ca Shukulu Kalunga co akamusingimika,

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 2:3

Ngecivene, omo njezile kuli yeni, njazeyele nakujaja na lyova,

1 Kolinte 2:5

Ngecivene, kukulaela kweni kesi kukundame ku mana a vanu oloni a nzili ya Njambi.

2 Kolinte 11:30

Nga yange njilishasha, njilishasha a vyuma vije visholola kuzeya kwange.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

2 Kolinte 12:15

Njikavwaelela manene nakwana vije vyoshe njilinavyo, amo nange vavenya vene, mukumikwasa. Kuma yeni Kuma mwanjizema kamandondo, omwo yange njamizema manene ndi?

2 Kolinte 12:5

Ngecivene, njili na kulyalesa ali munalume ou, oloni kunjasa kulyalesa yange vavenya, kuvanga vyuma vije visholola kuzeya kwange muje munjafwa.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Filipu 4:13

Njasa kulinga vyuma vyoshe a nzili ije yananjana Kilistu.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

VaHevelu 11:34

vazimine tuhya twatukalu, co vaputumukile kukuvatapa na mukwale. Vapwile vaka-kuzeya oloni vemukile vaka-nzili, vapwile vaka-nzili mu nzita, co vahyanene mashwalale va vangenzi.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”