2 Kolinte 12:7 - Livulu lya Shukulu Kalunga

⁷ Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.

2 Kolinte 12:7 Iomraidhean Croise

Kushangumuka 32:25

Omo uje munalume wamwene ngeci kasele kuhyana Yakomba, co wapupile mu nyonga ya Yakomba, ngeci yasongonokele.

Kushangumuka 32:31

Co litangwa lyatuukile, Yakomba watundile kuje ku Penyele, oloni wajendukile omwo nyonga yendi yasongonokele.

2 Mizimbu 26:16

Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Yombi 2:6

Ngecivene, Shukulu Kalunga walekele Satana ngwendi, “Kenga, ololo ali mu mavoko ove, oloni kesi umutsiye embwe.”

Yombi 2:7

Asinoni Satana watundile ku mesho a Shukulu Kalunga, walingisile muvila wa Yombi woshe kukala na vimbandu.

Ezekiyele 28:24

Shukulu Kalunga wendekele kuli yange ngwendi, “Muyati wa Isalele kuvakavayandesa lalo, akuvatuva mambimbo na mishwena ku vanu vaje vanavazengeleka. Asinoni vakazivuka ngeci yange njapwa Kalunga wa Akamwa ya Vyoshe.”

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Hoziya 2:6

Ngecivene, njikamusitila mu cipatanga ca mishwena, nakutunga civumbe cakushoka ngila yendi.

Kulava 33:55

Oloni nga yeni kumukashekemo vavenya lifuti lije, co vaje vakasalamo vakamiyandesa ngwe vimba vyakutinukila a mesho eni, na mambimbo akumitiva a mivila yeni, co vakamiyandesa mu lifuti lije limukakala.

Mateo 26:67

Asinoni vamujekwilile mate ku mesho, co vamupupile vimbanda

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Luka 13:16

Munakazi ou ikeye mutekulwila wa Avilahama uje yakutile Satana myaka likumi na itanu na itatu, kuma kuvapandele kumuzitula a Litangwa Lyakuhwima ndi?”

1 Kolinte 4:11

A simbu ino vene, tuli na njala na lihwila, tunazala vyakutavozoka, valinakutupupa, twendangana kutunda ku mutambela umo nakuya ku mutambela ukwavo,

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

2 Kolinte 10:10

Omwo umo endeka ngwendi, “Mikanda ya Paulu yaikalu, ya nzili, oloni omo ali netu napu wakuzeya na vyendeka vyendi vyangoco!”

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

Ngalatiya 4:13

Anukeni omwo vikajo njambulwile muzimbu kuli yeni a simbu yakulivanga, capwile ngeci omwo yange njakele nakuvinja.

Kwituluka mu Mashiko 17:20

kutewa mbunge yendi ikalyalesa akati ka vandolome vendi vaIsalele nakupokola mashiko a Shukulu Kalunga mukulinga nevi nevi. Asinoni akashwana myaka yaingi, co vatekulwila vendi vakashwana Isalele ku visemwa vyavingi.

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

Maako 2:3

Ngecivene, ololo yange njimileka ngwange kunjikasheke vanu ava embwe, ngwe omo yeni mulinakuya kulutwe. Co vakevo vakapwa ngwe mambimbo kuli yeni, co vinjambi vavo vakapwa ngwe nganjo kuli yeni.”