2 Kolinte 12:21 - Livulu lya Shukulu Kalunga

²¹ Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

2 Kolinte 12:21 Iomraidhean Croise

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Ezela 9:3

Omo njazivile vyuma evi, co njatavozwele vuzalo vwange mukuviilila, njatetele vin̄ambu vya ku mutwe wange na munjezi wange, njazivile vusiwa, co njatumbamene asi.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Kutuuka 32:31

Co Mosesa lalo welukilile kuli Shukulu Kalunga nakwendeka ngwendi, “Ava vanu vanalingi vuvi vwakukomokesa manene. Vakevo vanamungu njambi wa ngolinde nakumulemesa.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Loma 9:2

omo njendeka ngwange njili na vusiwa vwakama manene, nakuvinja kuje kukwesi kuhwa mu mbunge yange,

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

2 Kolinte 10:6

Co munima yevi omo munamwesa manene kulongwa kweni, co yetu tukalivwaesela cimweja kutundisa vilinga vyoshe vyakujeneka kwononoka.

2 Kolinte 12:7

Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.

2 Kolinte 13:2

Njishaka kwendeka kuli vaje veni vanalingi vuvi simbu ya kunima na kuli voshe veka lalo, njendekele laja, a vungenzi vwange vwamucivali vwakwija kuli yeni, oloni njicilukilamo lalo omo njili kuno, omo njikaija simbu ikwavo lalo naumo wai akaputumuka kunyanyamesa.

2 Kolinte 8:24

Mweseni cizemo ceni kuli vakevo, ngeci vikungulukilo vyoshe vikazivuke ngeci tulinakulinga vushunga akulyalesela ali yeni.

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Kwituluka mu Mashiko 9:15

Ngecivene, njatengulukile nakushelumuka kutunda a munkinda, oku munkinda ulinakwenya. Co njambatele vije vitale vivali aje asonekele cikumiiyo.

Kwituluka mu Mashiko 9:25

“Ngecivene, njalyumbilile asi nakuvulumana ku mesho a Shukulu Kalunga a matangwa aje makumi awana a mutanya na vutsiki, omwo Shukulu Kalunga wendekele ngeci akaminyongesa.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!

1 Samwele 15:35

Samwele mukuyoya kwendi kwoshe kamwene lalo Saulu, oloni walinyengele ali ikeye. Co Shukulu Kalunga walisimokele omwo wapwisile Saulu mwene mu Isalele.