2 Kolinte 12:2 - Livulu lya Shukulu Kalunga

² Njazivuka munalume umo wa Muka-Yesu uje ivatwalele mwilu te kuneti laja myaka likumi na iwana (kunjasa kuzivuka nga eci mwa vushunga calingiwile, nambe wamwene cimona, kuvanga Njambi lika azivuka.)

2 Kolinte 12:2 Iomraidhean Croise

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

2 Vimyene 2:16

co vendekele ngwavo, “Yetu tunapu makumi atanu, tuvavoshe tunapu vanalume va nzili. Tuye tukashakezeke shukulu yove. Amo munzinzime wa Shukulu Kalunga unamutwala kulyala, co unamuseze a munkinda nambe mu cana.” Elisha wavakumbulwile ngwendi, “Embwe, kesi muyeko.”

Myaso 148:4

Mushangazaleni, yeni melu ya melu, neni mema akala akamwa ya melu!

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 43:5

Munzinzime wa Shukulu Kalunga wanjijundwile nakunjitwala mu cipango ca mbanja ca mukati, co kuje njamwene vumpau vwa Shukulu Kalunga vwashulisile Njuvo yendi.

Luka 24:51

Omo wakele nakuvavezikisa, co walyangunukile navo vamutwalele mwilu.

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Vilinga vya Miluwa 14:6

Omo miluwa vanangukile eci, co vatewelele ku Lisitala na ku Ndembe vinganda vya mu Likaoniya na ku mitambela yakwatako.

Vilinga vya Miluwa 22:17

“Omo njelukile ku Yelusalema, co a simbu ije njakele nakulombela mu Njuvo ya Shukulu Kalunga, njamwene cimona,

Loma 16:10

Viindu kuli Apelese, uje kulongwa kwendi kuli Kilistu vanacishangala. Viindu kuli vaje vanakundama ku naanga ya Alisitombolase.

Loma 16:3

Njilinakutuma viindu kuli Pilisila na Akwila, vaka-kupanga nange mu vipangi vya Kilistu Yesu,

Loma 16:7

Viindu lalo kuli Andolonikase na Njuniyase, vakwetu vaYunda vaje mutwakelelele mu kamenga, vapwa vakutsimana akati ka miluwa, co vapwile vaka-Yesu simbu kanda yange njikulaele.

Loma 16:9

Viindu lalo kuli Ambanase, mukwetu mu vipangi vya Kilistu, na kuli Sitachise musamba wange.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 13:5

Lyesekeni yeni vavenya nakuliilula nga munapu vaka-kukulaela. Kuma mwa vushunga mwazivuka ngeci Kilistu Yesu ali muli yeni ndi? Nga kesi ngacije, co munonwa vene.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Ngalatiya 1:22

Co a simbu ije vanu va mu vikungulukilo vya mu Yunda kuvazivukile cihanga cange.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Efeso 4:10

Ngecivene, uje wezile ano asi ikeye umolika lalo uje waile mwilu, akamwa ya mwilu lya melu, ngeci ashulise vyuma vyoshe mu kaye mwoshe.

Kwituluka mu Mashiko 10:14

Kengeni, lilu lya mwilu ya melu, na kaye, na vyoshe vilimo vyapwa vya Shukulu Kalunga Njambi yeni.

1 Tesalonika 4:17

asinoni yetu tucili nakuyoya a simbu ije vakatukungulwila amo navo mu mashelwa nakuliwana na Mwene a mukambwila. Co tukakala amo na Mwene simbu yoshe.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.

Kujombolola 12:5

Asinoni uje munakazi wakitile mwana wa munalume, uje akashika miyati yoshe ya vanu na mulamu wa cikuvo. Oloni mwana vamuteweselele kulyala nakumutwala kuli Njambi na ku litanda lyendi.

Kujombolola 4:2

Co aje vene njakele mu Munzinzime. Muje mwilu, njamwene litanda na uje watumbameneo.