2 Kolinte 12:19 - Livulu lya Shukulu Kalunga

¹⁹ Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

2 Kolinte 12:19 Iomraidhean Croise

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

1 Kolinte 10:14

Ngecivene, vavusamba vange va cizemo, teweni kulemesa tumponya.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

2 Kolinte 10:8

Omwo kunjesi na shwamwa, nameme nga njili na kulyalesa manene ngwe a moko ije yanatwana Mwene, moko yakumitunga ngeci muye kulutwe, kesi yakumishandola embwe.

2 Kolinte 11:10

A vushunga vwa Kilistu vuje vuli muli yange, njimikulaesa ngwange kulishasha kwange oku kuvakasa kucolwesa mu lifuti lya Akaya.

2 Kolinte 11:31

Njambi na Ishe ya Mwene Yesu, lizina lyendi lipwe lyakuvezika ku myaka yoshe, azivuka ngeci kunjesi nakwendeka makuli.

2 Kolinte 12:15

Njikavwaelela manene nakwana vije vyoshe njilinavyo, amo nange vavenya vene, mukumikwasa. Kuma yeni Kuma mwanjizema kamandondo, omwo yange njamizema manene ndi?

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 3:1

Kuma eci calumbunuka ngwe twalishashele lalo yetu vavenya ndi? Kuma cinapande, yetu ngwe vanu veka, kukala na mikanda ya vukaleo vwetu kuli yeni nambe yakutunda kuli yeni ndi?

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Filipu 4:1

Ngecivene, vasamba vange, vanjazema manene, njinamizivila vulika vwakama manene! Mukanjivwaelelesa manene, co njikalyalesela manene ali yeni lalo! Vasamba vange vanjazema, omu mukemwo mumunapande kwimana mbe mu mwonyo weni muli Mwene.

1 Tesalonika 5:11

Ngecivene, litakameseni umo na mukwavo nakulikwasa umo na mukwavo, ngwe muje mumuli nakulinga ololo.

VaHevelu 6:9

Oloni nambe nga twendeka ngeci, vasamba va cizemo, mwa vushunga vene, tunazivuka ngwetu muli na vivezikiso vyavivwa vije vinakundama kukwovoka kweni.