2 Kolinte 12:16 - Livulu lya Shukulu Kalunga

¹⁶ Ngecivene, munjitava omwo kunjamitwikile citele. Oloni vamo vendeka ngwavo njamikokweyeye nakunyanyama nakumikwata na makuli.

2 Kolinte 12:16 Iomraidhean Croise

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 12:13

Cuma mukajo camyonwesele kutuvakana vikungulukilo vyeka? Kuvanga lika yange kunjashakele kumiyandesa nakutonda vyakulikwasa navyo kuli yeni. Vakwetu njisambeseni a cuma cakufwa ngacije!

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 6:8

Valinakutusingimika nakutwombwanesa, valinakutushaula nakutushangazala. Valinakutupangesa ngwe tu vaka-makuli, kuma yetu twendeka vushunga,

2 Kolinte 7:2

Tushokolweleni vimbunge vyeni. Kutwalingile mwamuvi munu naumo wai wai itunaviisila, nambe kweseka kwambata cuma cimo mu ngila ya makuli.

1 Tesalonika 2:3

Kulombela kwetu kuli yeni kukwemanene a vutumbe vwakusevwisa nambe a matumbe amavi, nambe kukwisa munu umo.

1 Tesalonika 2:5

Omwo mwazivuka mwamuvwa ngweni kutwezile kuli yeni mukwendeka vyakuseveleka, nambe kwendeka majwi akumifwikafwika a mbunge ya cipululu, Njambi ikeye mukaleo wetu!

1 Petulu 2:3

Ngwe muvyendeka visoneka ngwavyo, “Omwo munamakela ku ngozi.”